web counter
LEXO PA REKLAMA!

SHKARKO APP

App Store
Google Play

Goditja e SPAK-ut/ Altin Dumani: Dëshmon nivelin e lartë të sofistikimit të grupeve kriminale shqiptare

26 Korrik 2025, 15:30, Aktualitet CNA

Goditja e SPAK-ut/ Altin Dumani: Dëshmon nivelin e lartë të

SPAK ka kryer një tjetër goditje ndaj trafikut të drogës. Këtë herë ka çmontuar një rrjet ndërkombëtar të drogës që vepronte në Amerikën Latine, Britaninë e Madhe dhe Europë.

Kreu i SPAK-ut, Altin Dumani, dhe prokurori Adnan Xholi janë shprehur se struktura organizative e këtij grupi kriminal dëshmon nivelin e lartë të sofistikimit të grupeve kriminale shqiptare.

“Struktura organizative e këtij grupi kriminal, me shtrirje në disa kontinente dhe me 16 anëtarë të identifikuar deri tani, dëshmon nivelin e lartë të sofistikimit të grupeve kriminale shqiptare, aftësitë dhe shtrirjen e tyre në tregje kriminale ndërkombëtare.”

Dumani ka theksuar se të dhënat e dekriptuara nga Sky/ECC kanë qenë thelbësore për të plotësuar provat e mbledhura gjatë hetimit dhe mbetet ende e vlefshme për arritjen e rezultateve të duhura hetimore.

“Ky hetim i suksesshëm i drejtuar nga SPAK është rezultat i drejtpërdrejtë i bashkëpunimit të ngushtë ndërinstitucional dhe ndërkombëtar, veçanërisht me EUROPOL, EUROJUST, agjencitë e shteteve anëtare të BE-së, si dhe agjencitë ligjzbatuese partnere në Mbretërinë e Bashkuar, të cilët ofruan mbështetje përmes një analize të thelluar të të dhënave dhe zbatimit të një koordinimi efektiv ndërkombëtar policor. Vlera e materialit të zbuluar përmes analizës së të dhënave të komunikimit të dekriptuara nga Sky/ECC ka qenë thelbësore për të plotësuar provat e mbledhura gjatë hetimit dhe mbetet ende e vlefshme për arritjen e rezultateve të duhura hetimore. Ky informacion ka qenë thelbësor në identifikimin e veprave penale të rënda, të të dyshuarve, si dhe për përcaktimin e rolit të tyre në këtë grup të strukturuar kriminal.”/ CNA





Lajmet e fundit nga