web counter
LEXO PA REKLAMA!

SHKARKO APP

App Store
Google Play

E fundit!

x

Zjarret "mbërthejnë" Shqipërinë/ Si paraqitet situata në Qarkun Shkodër

12 Gusht 2025, 09:44, Aktualitet CNA

Zjarret "mbërthejnë" Shqipërinë/ Si paraqitet

Shqipëria është mbërthyer nga zjarret. Të dhënat e fundit tregojnë se si paraqitet situata e zjarreve në Qarkun e Shkodrës.

Bashkia Shkodër

Gjatë 24 orëve të fundit janë regjistruar 11 raste zjarri ne territorin e kësaj bashkie.

Është kryer 1 ndërhyrje për shpëtim dhe janë dërguar 2 automjete zjarrfikëse në ndihmë të Bashkisë Vau i Dejës dhe Bashkisë Malësi e Madhe.

Vatrat e evidentuara:

       1.    Fshati Dragoç

       2.    Fshati Postribë

       3.    Fshati Ura e Shtrejtë

       4.    Fshati Bardhaj

       5.    Fshati Dajç

       6.    Fshati Ura e Shtrejtë

       7.    Fshati Dajç

       8.    Fshati Suka Dajç

       9.    Fshati Berdicë

       10.  Fshati Ura e Shtrejtë

       11.  Lagjja Kiras, qyteti Shkodër

Në të gjitha vatrat është ndërhyrë në kohë duke shmangur përhapjen.

Në zonën pyjore Baks–Rrjoll, pjesë e PUTM Lumi Buna, është shfaqur një vatër zjarri në Kënetën e Domnit në sipërfaqe me kallamishte, aktualisht e izoluar nga sipërfaqja ujore.

2. Bashkia Malësi e Madhe

Janë regjistruar 2 raste zjarri gjatë 24 orëve të fundit:

NJA Gruemirë, fshati Grumirçezmë.

NJA Kastrat, Mali i Hotit.

Aktualisht nuk ka vatra aktive në territor.

3. Bashkia Vau i Dejës

Janë regjistruar 4 raste zjarri.

Rasti më problematik ka qenë në fshatin Hajmel, situata u menaxhua pa dëme në njerëz apo banesa.

Të gjitha rastet janë raportuar në kohë reale pranë AKMC-së.

4. Bashkia Pukë

Jane regjistruar 2 raste zjarri, vijon aktive vatra në fshatin Mesul.

Për shkak të erës së fortë, vatra rrezikon të dalë jashtë kontrollit.

Në vendngjarje është dërguar 1 automjet zjarrfikës me efektivët përkatës.

5. Bashkia Fushë-Arrëz

Vatra e zjarrit në fshatin Xath është përhapur gjatë natës, duke depërtuar në fshatin Flet dhe zonën “Kunorë Dardhe”.

Zjarri është në sipërfaqe malore, dhe është e vështirë ndërhyrja nga toka. Kryesisht po digjen pisha dhe bimësi të ndryshme.

Ditën e djeshme janë evakuuar banorët e dy banesave të rrezikuara, aktualisht nuk ka rrezik për këto banesa.

Forcat e angazhuara në operacion:

9 efektivë zjarrfikës, 2 automjete zjarrfikëse (MZSH Fushë-Arrëz) dhe 1 autobot uji.

10 punonjës të sektorit të shërbimeve.

15 specialistë të shërbimit pyjor me 2 fuoristrada.

15 punonjës të Komisariatit të Policisë Pukë.

15 punonjës nga administrata e Bashkisë Fushë-Arrëz dhe NJA Blerim.

66 ushtarë me 2 automjete zjarrfikëse./ CNA





Lajmet e fundit nga