web counter
LEXO PA REKLAMA!

SHKARKO APP

App Store
Google Play

E fundit!

x

DW: Disa vende në Ballkan po përballen me të nxehtin dhe zjarret

12 Gusht 2025, 08:30, Aktualitet CNA

DW: Disa vende në Ballkan po përballen me të nxehtin dhe zjarret

Qindra zjarrfikës dhe ushtarë po luftojnë kundër zjarreve në disa vende të Ballkanit. Gjatë ditëve në vazhdim këto vende do të jenë nën darën e të nxehtit me temperatura rreth 40 gradë Celsius.

Të hënën (11.08.2025) sipas Ministrisë së Mbrojtjes të Shqipërisë në vend ishin një duzinë vatrash aktive, pasi në 24 orët e fundit shpërthyen gati 40 vatra zjarri. Përkrah zjarrfikësve, sipas të dhënave zyrtare, janë angazhuar edhe rreth 800 ushtarë si dhe avionë e helikopterë ushtarakë nga vendet fqinje.

Në Malin e Zi fqinj forcat e emergjencës mbrojtën nga flakët dhjetëra shtëpi në periferi të Podgoricës. Zjarri kishte shpërthyer në një "terren mjaft të vështirë për t'u kaluar", u tha gazetarëve drejtusi i Agjencisë së Shpëtimit, Nikola Bojanovic. Gjatë pasdites të hënën tymi dukej edhe në kodrat mbi Podgoricë.

Në Split të Kroacisë gjatë natës duke gdhirë dita e hënë kanë qenë në terren rreth 150 zjarrfikës kundër një zjarri në pyll.

Vala e të nxehtit vazhdon me temperature rreth 40 gradë Celsius.

Ballkani dhe vendet në hapësirën e Mesdheut që nga korriku po përballen me të nxehtin ekstrem dhe zjarret në pyje. Në Shqipëri, që nga fillimi i korrikut, sipas Sistemit Europian të Informimit për Zjarret (EFFIS) janë djegur gati 34.000 hektarë truall. Policia në shumë raste dyshon për zjarrvënie të qëllimshme dhe më shumë se 20 të dyshuar janë arrestuar.

Vala e të nxehtit në Ballkan do të zgjasë. Në Serbi, Bosnje dhe Kroaci temperaturat pritet të arrijnë deri në 40 gradë Celsius./ DW





Lajmet e fundit nga