web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 11 majit/ Policia e Shtetit në gadishmëri për ruajtjen e objekteve zgjedhore

11 Maj 2025, 09:01, Aktualitet CNA

Zgjedhjet e 11 majit/ Policia e Shtetit në gadishmëri për

Shërbimet e Policisë së Shtetit të planëzuara me shërbim për ruajtjen e objekteve zgjedhore janë paraqitur në orën 18:00 të datës 10.05.2025, për marrjen në ruajtje të gjitha objektet zgjedhore në të gjithë vendin, ku vijon ende marrja e objekteve zgjedhore në dorëzim në disa zona.

Ky shërbim do të vijojë pa ndërprerje deri në mëngjesin e datës 11.05.2025, kur do të nisin punën Komisionet e Qendrave të Votimit dhe ato Zonale të Administrimit Zgjedhor.

Në funksion të kësaj, janë planëzuar gjithsej 5318 punonjës policie, të cilët janë angazhuar për të garantuar sigurinë në 93 KZAZ dhe në 5225 Qendra Votimi, në të gjithë territorin e Republikës së Shqipërisë.

Në Drejtorinë e Përgjithshme të Policisë së Shtetit është ngritur Grupi Qendror i Drejtimit dhe Monitorimit, i cili është në kontakt të vazhdueshëm dhe koordinim të plotë me 12 grupet e drejtimit të ngritura në çdo Drejtori Vendore të Policisë. Këto struktura monitorojnë në kohë reale situatën që u raportohet nga strukturat në terren, ndjekin zbatimin e detyrave operacionale dhe përpunojnë informacionin, për të garantuar transparencë të plotë.

Policia e Shtetit mbetet në gatishmëri të plotë për të përmbushur me profesionalizëm dhe integritet detyrat e përcaktuara në Ligjin për Policinë e Shtetit dhe në Kodin Zgjedhor./CNA





Lajmet e fundit nga