web counter
LEXO PA REKLAMA!

SHKARKO APP

App Store
Google Play

Zbërthimi i ish-drejtorit të policisë/ Nano: Më është dashur të shkarkoj shumë kolegë të mi, në pozicione të larta

6 Shtator 2022, 09:03, Aktualitet CNA

Zbërthimi i ish-drejtorit të policisë/ Nano: Më

Gledis Nano u largua nga posti i drejtorit të policisë së shtetit më 31 gusht. Lajmin e zyrtarizoi ministri i Brendshëm, Blendi Çuçi, pas mbledhjes së qeverisë.

Sipas Çuçit, ai u largua për mospërmbushje objektivash, ndërkohë që ky motiv mbetet i pabesueshëm derisa vetë Nano nuk ka folur mbi arsyen e largimit, përveçse një mesazhi të koduar që ka dhënë me anë të një letre publike.

Para se të largohej Nano ishte “zbërthyer” në një intervistë për kanalin francez "Metropole", ku kishte bërë deklarata të forta për dekonspirime informacionesh, të paktën në 14 raste.

“Ka pasur rrjedhje të informacionit, mund të ketë ardhur nga vetë ato që kanë kryer investigimin ose nga ekipet operacionale”, ka thënë Nano në dokumentar duke shtuar se nuk dihej nga cilët persona vinte ky dekonspirim.

Megjithatë, në dokumentarin ku ai përshkruhet si “i hekurt”, shprehet se ka goditur fort mafian shqiptare.

“Kishim 32 në shënjestër dhe arrestuam 1, 2, 3 ,4… anëtarë të bandave jashtëzakonisht shumë të dhunshme të trafikut të drogës dhe vrasjeve me pagesë. Ka një reformë të drejtësisë që po vazhdon në këto momente. Prokurorë dhe gjykatës janë shkarkuar dhe ne po bëjmë të njëjtën gjë me policët tanë. Kjo gjë do pak kohë. Për këtë arsye më është dashur të sanksionojë shumë kolegë të mi në pozicione shumë të larta në detyrë. U shkarkuan. Kjo gjë sepse në qoftë se një ditë do të duam të integrohemi në BE, duhet të përmbysim disa rregulla. Një nga këto është lufta kundër korrupsionit”.

Këto deklarata i ka bërë gjatë kohës që ka qenë në detyrë, por pas largimit të tij ai ka heshtur, duke shkelur me këmbët e tij edhe dinjitetin të cilin e përmend në letrën publike./CNA.al





Lajmet e fundit nga