web counter
LEXO PA REKLAMA!

SHKARKO APP

App Store
Google Play

Protestat në Tiranë/ Shpërthen Jul Deda: "VIP"-at që kërkojnë dorëheqjen e Ramës, i kanë dhënë votën

4 Qershor 2026, 12:28, Aktualitet CNA

Protestat në Tiranë/ Shpërthen Jul Deda: "VIP"-at

Aktori i njohur, Julian Deda, ka reaguar sot lidhur me personazhet publike nga fusha të ndryshme që u janë bashkuar protestave të ditëve të fundit.

Përmes një postimi në rrjetet sociale, Deda shprehet se shumica e atyre që janë në shesh e po kërkojnë dorëheqjen e kryeministrit Edi Rama, janë po ata që edhe i kanë dhënë pushtet me dorën e tyre duke i votuar.

Aktori shton se nuk i bashkon dot me protestuesit e ndershëm këta individë që i quan ‘marksistë të maskuar si atdhetarë’.

“Unë personalisht kurrë nuk e kam votuar Edi Ramën, këtë e di kush më njeh, madje edhe vetë Rama e di këtë, por sa herë që unë i bërtisja kundërshtitë e mia për qeverisjen e tij, ishin shumë ata që më thonin, 'po ç'punë ke ti, rri mos u merr me këtë punë, merru me art se nuk merr vesh nga politika'.

Sot shikoj që shumica e atyre që më kritikonin, janë në shesh duke kërkuar dorëheqjen e tij. 100% dakord me këtë kërkesë, por nuk mund të kërkosh dorëheqjen e një pushtetari, pasi ti me dorën tënde i ke dhënë pushtet absolut, duke e votuar. Pra në fillim i jep votën, pastaj i thua "ik".

Gjithsesi, respekt për protestat dhe shumë respekt për protestuesit e ndershëm. Aspak respekt për marksistët e maskuar si atdhetarë”,-shkruan aktori./CNA





Lajmet e fundit nga