web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Adoleshentët merren me urgjencë në Komisariat, akuza ndaj policisë. Reagimi zyrtar

22 Dhjetor 2023, 13:58, Aktualitet CNA
VIDEO/ Adoleshentët merren me urgjencë në Komisariat, akuza ndaj
Foto ilustruese

Në redaksinë e CNA ka mbërritur një denoncim nga një grup adoleshentësh në qytetin e Memaliajt, të cilët pretendojnë se mëngjesin së premtes janë shoqëruar në komisariatin e këtij qyteti pa praninë e prindërve të tyre. 

Adoleshentët kanë dërguar edhe një video në redaksi, ku disa prej tyre shfaqen teksa dalin nga oborri i këtij institucioni. Të rinjtë pretendojnë se janë shoqëruar në polici gjatë orarit të mësimit dhe sipas tyre kjo është e disata herë. 

Për denoncimin, CNA kontaktoi me Shefin e Stacionit të Komisariatit të Memaliaj, Agim Çumani, i cili dha një version zyrtar për ngjarjen. 

Sipas Çumanit, pas një sherri që ka ndodhur në shkollë mes disa të rinjve, Patrulla e Policisë që qëndron pranë shkollës, ka mundur të qetësojë situatën.

Ai theksoi se të rinjtë janë nxjerrë nga territori i shkollës nga efektivët dhe janë dërguar për disa minuta në oborrin e Komisariatit, i cili ndodhet shumë afër shkollës. 

Zyrtari i policisë theksoi se për adoleshentët nuk është lëshuar asnjë fletë shoqërimi dhe për këtë arsye nuk janë njoftuar edhe prindërit e tyre. 

Çumani vijoi duke thënë se adoleshentët janë dërguar më pas në drejtorinë e shkollës dhe janë pyetur për ngjarjen në prani të mësueses kujdestare dhe psikologes. 

Sipas zyrtarit të policisë, të rinjtë janë problematikë dhe disa herë u janë gjetur armë të ftohta. Ngjarja është ende nën hetim./CNA 

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

 

 

 





Lajmet e fundit nga