web counter
LEXO PA REKLAMA!

SHKARKO APP

App Store
Google Play

E fundit!

x

Tetori rozë/ Rama, thirrje grave dhe vajzave: Kujdesuni për veten

1 Tetor 2025, 07:57, Aktualitet CNA

Tetori rozë/ Rama, thirrje grave dhe vajzave: Kujdesuni për veten

Kryeministri Edi Rama, në kuadër të muajit të ndërgjegjësimit për kancerin e gjirit, u ka bërë thirrje grave dhe vajzave që të kujdesen për veten duke bërë mamografinë për të zbuluar shenjat e hershme të kësaj sëmundjeje.

“MIRËMËNGJES dhe me thirrjen e përvitshme në çdo Tetor Rozë për të gjitha gratë dhe vajzat që të marrin fare pak kohë për t’u kujdesur për veten, duke bërë mamografinë falas në rrjetin e poliklinikave dhe spitaleve rajonale në vend, ju uroj një muaj të mbarë”, shkruan Rama.  

Tetori është caktuar si muaji i ndërgjegjësimit për kancerin e gjirit në të gjithë botën, për të rritur vëmendjen dhe mbështetjen për sensibilizimin, zbulimin e hershëm, trajtimin, si dhe kujdesin paliativ të kësaj sëmundjeje.

Ai organizohet çdo vit dhe synon të shpërndajë informacion në lidhje me shëndetin e gjirit, si dhe të rrisë ndërgjegjësimin për parandalimin dhe zbulimin e hershëm të kancerit të gjirit te gratë dhe vajzat në të gjithë globin.

Kanceri i gjirit është një nga sëmundjet më të zakonshme te gratë në mbarë botën, me rreth 2.3 milionë raste të reja të diagnostikuara çdo vit, sipas Organizatës Botërore të Shëndetësisë.

Njohja e shenjave të hershme është thelbësore për zbulimin e hershëm dhe trajtimin e suksesshëm të kësaj sëmundjeje./ CNA





Lajmet e fundit nga