web counter
LEXO PA REKLAMA!

SHKARKO APP

App Store
Google Play

E fundit!

x

Takimi në Aruba/ Gazetari Trocchia: Antimafia e ka vërtetuar, ka pasur eksponentë të qeverisë Rama

30 Shtator 2025, 22:53, Aktualitet CNA

Takimi në Aruba/ Gazetari Trocchia: Antimafia e ka vërtetuar, ka pasur

Gazetari italian Nello Trocchia, i cili riktheu në vëmendje çështjen Aruba ka dhënë një intervistë për gazetarin Adi Krasta, në “A Show”. Trocchia ka thënë se të dhënat e Antimafias për takim mes karteleve kriminale dhe eksponentëve nga qeveria shqiptare, janë të pakundërshtueshme.

Takim i cili është vërtetuar nga dëgjimi i përgjimeve të bisedave telefonike, ka thënë gazetari italian. Më tej, Trocchia ka deklaruar se në bisedimet e përgjuara, flitej dhe për disa ndërtime në Shqipëri.

Sa i përket mafias shqiptare, gazetari tha se po arrin në të njëjtin nivel me Ndraghettan dhe ky është problemi me të cilin duhet të merret klasa politike.

“Hetimet e drejtorisë hetimore të Antimafias për një sërë arsyesh janë të lidhura dhe çështja është e mbyllur. Ka një të dhënë të pakundërshtueshme. Sipas drejtorisë të Antimafias thuhet se subjektet që kanë të bëjnë me një kartel kriminal janë takuar në Aruba me eksponentë nga qeveria shqiptare në 2019. Drejtori i Antimafias e ka vërtetuar se ka dëgjuar dhe përgjimet telefonike. Unë kam folur për ato mbi të dhënat që kam në dispozicion.

I kam kërkuar kryeministrit Rama të përgjigjet nëse është takuar në Aruba apo nëse ka takuar Artur Shehun.

Antimafia e ka vërtetuar se ka pasur eksponentë të qeverisë Rama. Flitej për disa ndërtime në Shqipëri. Në hetime. Kishte bosë të rretheve të narkotrafikut. Është një person që ka qenë në qendër të hetimeve, i lidhur me mafian molieze.

Mafia po arrin në të njëjtin invel me Ndraghettan. Klasa politika duhet të merret me problemin e krimit. Sepse nuk do aarrijmë më t’iu bëjmë ballë asaj ekonomie të paligjshme dhe shumë e vështirëpër t’u çrrënjosur”, deklaroi Trocchia./ CNA





Lajmet e fundit nga