E fundit!

21:25 Aktualitet

"Përgjegjësit u dënuan"/ Blendi Klosi: Rrethimi në Zvërnec është hequr

Sekretari i Përgjithshëm i PS-së, Blendi Klosi, ka bërë me...

Tender mikut të ish-ministrit socialist/ Gazetarja:10 zyrtarë, drejt arrestimit nga SPAK-u

5 Dhjetor 2022, 13:26, Aktualitet CNA

Tender mikut të ish-ministrit socialist/ Gazetarja:10 zyrtarë, drejt

Gjashtë vite pas regjistrimit të një procedimi penal ndaj aferës së dy koncesioneve të dhëna nga Ministria e Shëndetësisë, ajo për checkup-in dhe ajo për sterilizimin e mjeteve kirurgjikale për një afat 10-vjeçar, SPAK-u, po heton çështjen të ndarë në dy procedime.

Gazetarja Anduena Llabani, tha sot në “MCN live” se SPAK-u lidhur me këto dy afera, ka nisur të veprojë në terren pas mbylljes se dëshmive të personave përgjegjës të koncesionit.

“Lidhur me këto dy afera, nuk përflitet shumë nga politika, ose më saktë nuk kemi paditës nga opozita. Dosjen e ka çuar 6 vite më parë nisma 'Thurje' pas një spunto të një prej mjekëve të njohur, Artan Koni, i cili e deklaroi këtë si një mendim të hapur që këtë shërbim, nuk duhet t'u jepet privatëve, por duhet të bëhet nga shteti.

Emërues i përbashkët në të tria çështjet që fliten si afera të mëdha korruptive është fakti që qeveria ka paracaktuar kontratat dhe çmimet në kontrata me privatet.

Ne sot kemi një ish-ministër që është iniciues i kësaj PPP, Ilir Beqaj, i cili është një person që ka shërbyer në këtë çështje hetimi si person që ka dijeni për rrethanat e faktit, por është pyetur edhe për çështje të tjera, por që sigurisht përgjegjësia do të bie edhe mbi ish-ministrin Beqaj”, ka thënë Llabani.

Sipas Llabanit, së shpejti SPAK-u do të lëshojë urdhër-arreste për mbi 10 persona, përgjegjës për këtë PPP, e cila do t'i kushtojë shtetit 100 milionë €.

“Hetimi ngre pikëpyetje se a funksionojnë 18 laboratorët, bazuar nga tenderi siç pretendohej nga Ministria e Shëndetësisë dhe se si i është dhënë tenderi një miku të ngushtë të ish-ministrit Beqaj.

Për momentin prokurorët janë hedhur në terren, që d.m.th. që ne për herë të parë mësojmë që skema të përdorura nga kjo kontratë me privatin e cila ka një shifër 100 milin € që do t'i kushtojë shtetit për dhjetë vite, që në hetim është kohëzgjatja e përcaktuar në kontratë.

Por a do të shkojë SPAK-u deri në kuvend, për të parë se kush kanë qenë, pse e kanë miratuar ligjin për PPP, pse i është dhënë një kontratë e tillë një shtetasi që ka rezultuar një mik i ngushtë i ish-ministrit Beqaj, mbetet për t'u parë.

Ajo që është duke u kryer për momentin, përpara se prokurorët të lëshojnë urdhër-arreste në gjykatë për shumë zyrtarë, rrethi i të cilëve do t'i kalojë 10 persona, është fakti se janë ngritur pikërisht incinerime, apo laboratorë të shpërndarë në katër spitale të vendit dhe për momentin janë 18 të tillë, në këto pretendohej nga pala e MSH dhe fituesit të kontratës që të shtrohej aktiviteti i sterilizimit dhe mjeteve kirurgjikale.

Se sa është bërë kjo gjë, si është bërë kjo, kjo është duke u verifikuar, është guri i themelit për prokurorët, në lidhje me gjithë hetimin se si është kryer”, është shprehur më tej Llabani.