web counter
LEXO PA REKLAMA!

SHKARKO APP

E fundit!

x

SPAK dhe BKH, në aksion/ Vijojnë hetimet për krimet zgjedhore

19 Maj 2025, 09:15, Aktualitet CNA

SPAK dhe BKH, në aksion/ Vijojnë hetimet për krimet zgjedhore

SPAK dhe BKH vijojnë punën intensive me hetimet për krimet zgjedhore në Qarkun e Elbasanit.

Sipas asaj që raportohet në media, hetimet janë përqendruar si në fazën parazgjedhore, ashtu edhe në ditën e votimit.

Mësohet se po mblidhen prova, dëshmi apo materiale që mund të dokumentojnë raste të tilla si blerje vote, kërcënime ndaj votuesve, shfrytëzim i paligjshëm i administratës publike nga ana e disa kryebashkiakëve për qëllime elektorale apo përfshirje të disa bizneseve të mëdha si edhe të grupeve të strukturuara kriminale në procesin zgjedhor.

Grupet hetimore janë duke analizuar pamjet filmike, komunikimet elektronike dhe të dhëna të tjera relevante me qëllim zbardhjen e plotë të çdo rasti që mund të përbëjë shkelje të ligjit zgjedhor dhe atij penal.

SPAK ka paralajmëruar se do të ndiqet penalisht çdo individ apo grup që ka tentuar të cenojë votën apo procesin demokratik të zgjedhjeve./CNA





Lajmet e fundit nga