E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

E diela vendimtare e Serie A

16 Maj 2025, 14:14, Aktualitet CNA

Në SERIE A, jemi në fundin e një sezoni spektakolar, i cili, me sa duket, do të vendoset në çastin e fundit. Inter-i dhe Napoli ecin kokë më kokë në luftën për titullin kampion, ndërkohë që janë 6 skuadra të tjera që garojnë për të fundit vend në zonën "Champions”, në Europën që vlen. Ky është “IL CALCIO” dhe TRING e sjell të plotë të gjithë magjinë e tij.

E diela vendimtare e Serie A

Futbolli është i paparashikueshëm dhe italiani edhe më tepër. Ndaj, të gjitha ndeshjet e kësaj fundjave do të luhen brenda një mbrëmjeje, pak të thuash, elektrizuese. Vetëm Atalanta zbret në fushë të shtunën kundër Genoa-s, tashmë me vendin në Champions të sigurt, ndërsa të gjitha ndeshjet e tjera do të luhen të dielën në 20:45 dhe ato më vendimtaret do të jenë një maratonë sportive në TRING SPORT.

E diela vendimtare e Serie A

Inter-i sfidon në shtëpi Lazio-n, ndërsa Napoli udhëton drejt Parma-s. Në letër, sfida e të besuarve të Kontes- duket më e lehtë, edhe titulli më afër, por, kaq të papritura sa na ka rezervuar ky kampionat, fjala e fundit nuk thuhet kurrë para kohe. Të dyja ekipet do të zbresin njëherësh në fushë, me më shumë frymëzim se kurrë, sepse nuk lejohet asnjë gabim.

Ndërkohë, për të vetmin vend të mbetur në zonën "Champions” garojnë plot 6 skuadra, Juve, Lazio, Roma, Bologna, Milan e Fiorentina.

Me Juventus-in që e ka vetë në dorë fatin e vet përballë Udinese-s dhe dy skuadrat kryeqytetase, Lazio dhe Roma, që e ndjekin hap pas hapi, por që kanë dy përballje të forta me dy superskuadrat lombarde, Inter dhe Milan, por edhe me Bologna-n dhe Fiorentina-n që sfidohen mes tyre, kjo betejë do të jetë e zjarrtë, njëlloj siç do të jetë edhe mbrëmja e së dielës në kanalet sportive të TRING.

E diela vendimtare e Serie A

Ndaj, të gjithë tifozët e panumërt të SERIE A, këtë të diel do të bëjnë gati fanellat e zemrës dhe do të shijojnë spektaklin vendimtar që do të dhurojë raundi i parafundit i sezonit 2024-2025, që është transmetuar dhe vazhdon të transmetohet i gjithi ekskluzivisht dhe vetëm në Tring Sport, në platformën më të madhe sportive në Shqipëri.

ZGJIDH TRING, ZGJIDH SPEKTAKLIN!/CNA