web counter
LEXO PA REKLAMA!

SHKARKO APP

App Store
Google Play

Përplasja në KZAZ në Kashar/ Klodiana Lala jep detaje: Personi që goditi me grusht me precedent penalë

15 Maj 2025, 22:12, Aktualitet CNA

Përplasja në KZAZ në Kashar/ Klodiana Lala jep detaje: Personi

Gazetarja Klodiana Lala, e ftuar në MCN TV, ka dhënë detaje nga përplasja në KZAZ nr 30 në Kashar mes vëzhguesit të Ornaldo Rakipit dhe Sekretarit të KZAZ-së.

Gazetarja është shprehur se ka patur kontestime për një fletë votimi.

Kur ajo është shpallur e pavlefshme janë futur një sërë personash dhe njëri prej tyre ka goditur sekretarin e KZAZ.

Më pas ky person është ndaluar nga policia dhe rezulton të jetë me precedentë të mëparshëm penalë.

 Janë shoqëruar edhe dy persona të tjerë për t'u marrë në pyetje.

Më tej gazetarja tha se ka filmuar dhe një automjet që drejtohej nga një grua, por brenda kishte para që u sekuestruan nga policia.

"Ka patur kontestime për një votë nga vëzhguesit e Ornaldo Rakipit. Janë votuar dy kandidatë në një fletë. Kur vota u shpall e pavlefshme, janë futur një sërë përsonash, por njëri prej tyre ka goditur sekretarin e KZAZ. U desh ndërhyrja e Celibashit që të vinte në Yrshek. Personi është ndaluar, është person me precedent penal.

Janë shoqëruar edhe dy persona të tjerë për t'u marrë në pyetje. Ne filmuam edhe një automjet që drejtohej nga një grua, por brenda ka patur para dhe u sekuestruan nga policia", ka deklaruar gazetarja./ CNA





Lajmet e fundit nga