web counter
LEXO PA REKLAMA!

SHKARKO APP

App Store
Google Play

E fundit!

x

Hapet sezoni festiv në Vlorë/ Nga 17 maji nis programi i larmishëm me aktivitete për fëmijë dhe të rritur

15 Maj 2025, 17:11, Aktualitet CNA

Hapet sezoni festiv në Vlorë/ Nga 17 maji nis programi i

Nga data 17 Maj, Vlora do të hapë zyrtarisht sezonin e saj festiv. Në shëtitoren e bukur të Lungomares, aty ku deti puth qytetin, do të nisë një udhëtim të paharrueshëm me tingujt e koncerteve madhështore, ku emra të njohur të muzikës shqiptare dhe ndërkombëtare si Soni Malaj, Yll Limani, Avandi, Alex Guesta, Dexter, Kida, Ledri Vula dhe DJs from Mars do të ndezin netët e qytetit bregdetar.

Nëpërmjet një video-postimi, Kryetari i Bashkisë Vlorë Ermal Dredhi shprehet entuziast për sezonin që pret të gjithë qytetarët e Vlorës dhe turistët e saj.

Hapet sezoni festiv në Vlorë/ Nga 17 maji nis programi i

Por sezoni nuk ndalet vetëm te muzika! Nga mëngjesi deri në mbrëmje, fëmijët do të shijojnë një larmi lojërash, nga mini basketbolli, futbolli e volejbolli, deri te face painting, kërcime argëtuese dhe ekspozita pikture që tregojnë se arti jeton në çdo cep të Vlorës.

Në datën 18 Maj, gjithçka do te shndërrohet në një arenë sportive, me triatlonën e zhvilluar në Ujin e Ftohtë, ku qindra të rinj do te garojne në not, vrap dhe biçikletë, duke dëshmuar se Vlora është një qytet që frymon shëndet dhe jetë.

Hapet sezoni festiv në Vlorë/ Nga 17 maji nis programi i

Vlora nuk është vetëm energji, por edhe art i lartë dhe trashëgimi kulturore. Më 23 Maj, teatri “Petro Marko” do të shndërrohet në një tempull muzike, ku opera “Gran Gala” do të sjellë një repertor të jashtëzakonshëm me arie klasike, me zëra të fuqishëm që do të prekin zemrat dhe do të lartësojnë ndjeshmërinë artistike të qytetit Vlorës.

Hapet sezoni festiv në Vlorë/ Nga 17 maji nis programi i

Po në të njëjtën datë, më 23 dhe më pas më 24 Maj, qyteti do të vishet me veshjet shumëngjyrëshe të traditës në “Aulona Folk Festival”. Grupe folklorike nga të gjitha trevat shqiptare dhe të ftuar nga jashtë vendit do të sjellin një festë të trashëgimisë, ku kënga dhe vallja do të flasin në gjuhën e zemrës shqiptare, duke i dhënë Vlorës tingujt e rrënjëve të përbashkëta.

Hapet sezoni festiv në Vlorë/ Nga 17 maji nis programi i

Dhe kur të mendohet se festa përfundon, atëherë ajo sapo ka nisur! Nga data 25 deri më 30 Qershor, Vlora do të shpërthejë në një karnaval tropikal! Java e Karnavaleve të Brazilit do të sjellë në shëtitoren tonë ritmet magjike të sambës, ngjyrat magjepsëse të paradave dhe energjinë shpërthyese të kulturës latine. Vlora do të vallëzojë nga mëngjesi në mbrëmje, duke u kthyer në një Rio të Mesdheut, një urë midis kontinenteve dhe zemrave që rrahin njësoj për jetën dhe gëzimin.

Sot, Vlora nuk është më thjesht një qytet bregdetar. Ajo është një skenë e madhe, ku ndërthuren arti, sporti, historia dhe festa. Ajo është ftesa më e bukur që Shqipëria i bën botës!/CNA





Lajmet e fundit nga