web counter
LEXO PA REKLAMA!

SHKARKO APP

App Store
Google Play

E fundit!

x

Sokol Sadushi, thirrje të fortë/ Të reagohet për kërcënimet ndaj gjyqtarëve

9 Tetor 2023, 10:40, Aktualitet CNA
Sokol Sadushi, thirrje të fortë/ Të reagohet për
Zëvendëskryetari i Gjykatës së Lartë, Sokol Sadushi

Zëvendëskryetari i Gjykatës së Lartë, në funksionin e kryetarit, Sokol Sadushi, bëri një thirrje të fortë paraditen e kësaj të hëne.

Ai përmendi kërcënimet që i bëhen gjyqtarëve dhe prokurorëve për shkak të funksionit.

Sadushi kërkoi një reagim ndaj këtyre sulmeve dhe kërcënimeve, për të cilat tha se janë të padrejta.

“Kërkohet të reagohet në mënyrë koherente ndaj sulmeve të padrejta, të shumta e të vazhdueshme deri edhe në kërcënime që u bëhen gjyqtarëve për shkak të funksionit, etj.”, u shpreh ai ndër të tjera.

Këtë deklaratë, Sadushi e bëri gjatë fjalës së tij në mbledhjen e Këshillit të Lartë Gjyqësor, ku do të zgjidhen 3 gjyqtarë që do të jenë për 5 vite anëtarë të KLGJ-së.

Pjesë nga deklarata e Sadushit:

Sot, pas 5 viteve të funksionimit të Këshillit të Lartë Gjyqësor dhe në prag të përfundimit të mandatit të parë, ndodhemi përpara situatës kur ndokush shtron pyetjet se, A i’a vlejti të bëhej ky reformim? A ia arritëm të kemi një organ që të bëjë diferencën me paraardhësin e vet?

Padyshim që për shumë arsye i’a vlejti, por këto pyetje apo dhe reagime të ndryshme i bëjnë qoftë kritikët e reformës në drejtësi, ashtu edhe përkrahësit e saj, kur evidentojnë fakte të tilla se:

- ka ende gjyqtarë në sistem, të cilët nuk kanë asnjë vlerësim etiko profesional, megjithëse kanë më shumë se një dekadë në detyrë;

- 40 magjistratët e diplomuar këtë vit janë ende të pa emëruar, ndërkohë që sistemi ka nevojë emergjente për to;

- kancelarët e gjykatave janë të pakonfirmuar, për shkak të mosmbylljes së procedurës për vlerësimin profesional pranë Shkollës së Magjistraturës;

- gjykatat kanë vështirësi në administrimin e buxhetit, për shkak të konceptit se çdo shpenzim duhet të miratohet nga Këshilli i Lartë Gjyqësor, ndërkohë që një ndër kolonat e gjyqësorit të pavarur lidhet me vetadministrimin e buxhetit;

- trupa gjyqësore ndjen shqetësim për cenimin e standardeve të promovimit dhe ngritjes në detyrë mbi bazë merite, për shkak të mundësisë së një trajtimi të pabarabartë në pikëzim dhe në renditje, referuar diskrecionit të pakufizuar të anëtarit të Këshillit;

- mungon një platformë komunikimi efiçente, në të cilën adresohen në kohë reale shqetësimet e përditshme të trupës gjyqësore dhe që marrin zgjidhje nga Këshilli, pa i kanalizuar në procedura burokratike;

- kërkohet të reagohet në mënyrë koherente ndaj sulmeve të padrejta, të shumta e të vazhdueshme deri edhe në kërcënime që u bëhen gjyqtarëve për shkak të funksionit, etj, etj.

Me këto nevoja dhe shqetësime, apo edhe të tjera të ngjashme me to do të përballet Këshilli i Lartë Gjyqësor dhe veçanërisht anëtarët e rinjë, nga të cilët pritet zgjidhje./ CNA





Lajmet e fundit nga