web counter
LEXO PA REKLAMA!

SHKARKO APP

App Store
Google Play

Skandali i anijeve me mbetjet toksike/ Klodian Tomorri: Insituticionet, ping pong me gjysmë të vërteta

21 Gusht 2024, 20:08, Aktualitet CNA

Skandali i anijeve me mbetjet toksike/ Klodian Tomorri: Insituticionet, ping

Gazetari Klodian Tomorri ka folur për skandalin me anijet me mbetje toksike. Sipas gazetarit institucionet kanë nisur të luajnë ping pong duke i hedhur fajin njëra-tjetrës.

Gazetari thekson se nëse do të ishte e deklaruar në letra si ngarkesë mbetjesh të rrezikshme, ajo nuk mund të nisej pa autorizimin e Ministrisë së Mjedisit, pra dyshimi është që mund të jenë falsifikuar letrat ose të gjithë kanë mbyllur sytë se janë palë ose të gjithë strukturat e shtetit janë korruptuar në këtë histori.

“Institucionet shqiptare kanë filluar një lojë pingpongu me gjysëm të vërteta, duket sikur tentojnë t’ja lënë topin apo përgjegjësinë në derë njëra-tjetrës, ju e patë reagimin e ministrisë së mjedisit e cila në mënyrë indirekte deklaronte për mediat që mbetjet janë të Kurum , më pas patëm kompaninë Kurum e cila soli zyrtarisht dhe tha nuk janë mbetjet tona, ne nuk kemi eksportuar mbetje.

Pra bëhet fjalë për kontenierët që u tentua të coheshin në Tajlandë, dhe tani ndodhen në Singapor , dhe pritet të rikthehen në shqipëri.

Dhe sot patëm doganën e cila reagoi, por vetëm për rastin e Kinës, dhe tha që me të vërtetë që janë nisur nga Shqipëria, nga porti i Durrësit, por nuk është produkt shqiptar por janë të Kosovës.

Nëse do të ishte e deklaruar në letra si ngarkesë mbetjes e rrezikshme, ajo nuk mund të nisej pa autorizimin e Ministrisë së Mjedisit, pra dyshimi është që mund të jenë falsifikuar letrat ose të gjithë kanë mbyllur sytë se janë palë ose të gjithë strukturat e shtetit janë korruptuar në këtë histori”, u shpreh Tomorri./ CNA





Lajmet e fundit nga