web counter
LEXO PA REKLAMA!

SHKARKO APP

App Store
Google Play

E fundit!

x

Skandali i mjekut që merrte ryshfet/ Reagon Spitali i Traumës

23 Shtator 2022, 17:35, Aktualitet CNA
Skandali i mjekut që merrte ryshfet/ Reagon Spitali i Traumës
Spitali Universitar i Traumës

Spitali Universitar i Traumës ka reaguar për arrestimin e mjekut Fitim Marku, i cili u kap duke marrë para për t’i ofruar shërbim një pacienti.

Trauma inkurajon organet e drejtësisë për të çuar deri në fund hetimin dhe zbardhjen e së vërtetës dhe vënien para përgjegjësisë të mjekëve që marrin ryshfet.

“Nisur nga ngjarja e sotme e ndalimit të mjekut me inicialet F.M, Spitali Universitar i Traumës inkurajon organet e drejtësisë për të çuar deri në fund hetimin dhe zbardhjen e së vërtetës, për të vënë para përgjegjësisë këdo që përfshihet në veprime të kundërligjshme, përkundrejt shërbimit që ofrohet për qytetarët.

Raste të tilla nuk duhet të përkthehen në njollosjen e të gjitha bluzave të bardha, mjekëve dhe infermierëve, të cilët e kryejnë me përkushtim dhe korrektesë punën e tyre çdo ditë në shërbim të pacientëve.

Garantojmë qytetarët se, në Spitalin Universitar të Traumës nuk u ndërpre dhe nuk do të ndërpritet në asnjë moment shërbimi për këdo që ka nevojë për kujdes mjekësor”, thuhet në reagim.

Kujtojmë se mjeku u fut në grackë në ambientet e punës nga një agjent i infiltuar, i cili është paraqitur si pacient, pas denoncimeve të marra nga qytetarët.

Ndërkohë, dyshohet se edhe një mjek tjetër është i përfshirë në një skemë korruptive./ B.A. – CNA.al





Lajmet e fundit nga