web counter
LEXO PA REKLAMA!

SHKARKO APP

App Store
Google Play

Situata e rënduar e motit/ Policia apel qytetarëve: Të tregohet kujdes maksimal dhe të respektojnë me rigorozitet rregullat

30 Gusht 2025, 14:51, Aktualitet CNA

Situata e rënduar e motit/ Policia apel qytetarëve: Të tregohet

Policia e Shtetit u ka bërë apel qytetarëve të tregojnë kujdes maksimal dhe të respektojnë regullat e qarkullimit, nisur nga situata e keqe e motit.

Blutë njoftojnë se si pasojë e erës dhe reshjeve të dendura në disa akse të vendit ka prani të ujit, inerte dhe pemë të thyera.

 

Njoftimi i policisë

Policia e Shtetit

Nisur nga moti i keq me erë të fortë, shi e stuhi në disa qarqe të vendit, Policia e Shtetit apelon edhe njëherë për të gjithë përdoruesit e rrugës që të tregojnë kujdes maksimal dhe të respektojnë me rigorozitet rregullat e qarkullimit rrugor.

Si pasojë e erës së fortë dhe reshjeve të dendura të shiut, ka prezencë uji në disa akse, inerte dhe thyerje të pemëve.

Drejtuesit e automjeteve dhe motomjeteve të qarkullojnë ngadalë, po ashtu edhe këmbësorët të tregojnë kujdes nga rënia e inerteve, pemëve apo sendeve nga lartësitë e pallateve.

Punonjësit e Policisë në të gjitha Drejtoritë Vendore të Policisë janë prezentë kudo në terren, për të ofruar ndihmë dhe mbështetje qytetarëve, për shkak të motit të keq.

Qytetarët dhe përdoruesit e rrugës të bashkëpunojnë me Policinë, në rastet e bllokimit të rrugëve apo problemeve të tjera për shkak të motit të keq, me qëllim koordinimin e veprimeve me gjithë strukturat e tjera shtetërore.





Lajmet e fundit nga