web counter
LEXO PA REKLAMA!

SHKARKO APP

App Store
Google Play

E fundit!

x

Shuarja e Anagnostit/ Meta: Personalitet i rrallë, la trashëgim një vepër të ndritur

1 Shtator 2025, 09:09, Aktualitet CNA

Shuarja e Anagnostit/ Meta: Personalitet i rrallë, la trashëgim

Kreu i Partisë së Lirisë, Ilir Meta, ka përcjellë mesazh ngushëllimi për ndarjen nga jeta të regjisorit Dhimitër Anagnosti.

Meta e konsideroi si një personalitet të rrallë të artit dhe kulturës sonë kombëtare, i cili i dha emër e dinjitet kinemasë shqiptare dhe lartësoi identitetin tonë kulturor.

Kreu i PL-së tha se Anagnosti ishte kineast dhe regjisor i shquar, skenarist e mendimtar dhe la trashëgim një vepër të ndritur, që do të vazhdojë të frymëzojë gjeneratat e ardhshme, duke u bërë metaforë emblematike e historisë së kinematografisë shqiptare dhe model frymëzues i një brezi krijuesish idealistë e patriotë.

“Në panteonin e kulturës kombëtare dhe artit të kinemasë shqiptare, Artisti i Popullit, Dhimitër Anagnosti, do të mbetet përjetësisht i nderuar mes korifejve më të mëdhenj.

Kineast dhe regjisor i shquar, skenarist e mendimtar, ai na la trashëgim një vepër të ndritur, që do të vazhdojë të frymëzojë gjeneratat e ardhshme, duke u bërë metaforë emblematike e historisë së kinematografisë shqiptare dhe model frymëzues i një brezi krijuesish idealistë e patriotë.

Filmat e Anagnostit, edhe pse të krijuar në një kohë të caktuar historike, falë vizionit e talentit të tij të jashtëzakonshëm, mbeten vepra universale që përcjellin mesazhe të përjetshme dhe gjithmonë aktuale.

Me pikëllim të thellë u shpreh familjes dhe komunitetit të artistëve ngushëllimet më të sinqerta për ndarjen nga jeta të këtij personaliteti të rrallë të artit dhe kulturës sonë kombëtare, i cili i dha emër e dinjitet kinemasë shqiptare dhe lartësoi identitetin tonë kulturor.

Trashëgimia e tij e vyer do të mbetet një monument i pavdekshëm në kujtesën e kombit.

Të prehet në paqe! I paharruar kujtimi!”, shkruan Meta./ CNA





Lajmet e fundit nga