web counter
LEXO PA REKLAMA!

SHKARKO APP

App Store
Google Play

Kryepiskopi Joan jep mesazhin e rëndësishëm: Porosia e Zotit, respektoni prindërit!

31 Gusht 2025, 11:29, Aktualitet CNA

Fortlumturia e Tij, Kryepiskopi i Tiranës, Durrësit dhe gjithë Shqipërisë Imzot Joani ka mbajtur predikimin në të Dielën XII të Mattheut.

Në mesazhin e tij, Kryepiskopi Joan thekson një gjë shumë të rëndësishme dhe thelbësore respektin ndaj prindërve.

Fortlumturia e Tij, Joani tregon se një nga porositë e Zotit është që të respektosh nënën dhe babain dhe më pas gjërat e tjera.

Kryepiskopi e konsideron një tragjedi të madhe kohën në të cilën jetojmë pas njerëzit po i braktisin prindërit.

“Nëse do të kemi bekimin e Zotit ne nuk mund t’i braktisim ata”, thekson Fortlumturia e Tij.

“Jetojmë në një kohë kur njerëzit i kanë braktisur prindërit për tragjedinë tonë shumë të madhe. Dëgjojmë shpesh herë që pleq të vetmuar i gjenin komshinjtë vetëm pasi ndërronin jetë.

Ndonëse kishin dy-tre fëmijë që ndoshta për arsye të ndryshme ishin larguar, por respektimi ndaj prindërve është shumë i rëndësishëm sepse nëse do të kemi bekimin e Zotit ne nuk mund t’i braktisim ata.

Është njësoj sikur prindi të braktisë fëmijët e tij kur janë të vegjël dhe të iki dhe të thotë unë do të shoh jetën time.

Ne kemi një përgjegjësi. Qeniet njerëzore janë qenie komunitare, kemi përgjegjësi për njëri-tjetrin.

Jeta jonë prek dhe njerëzit që janë rrotull nesh dhe prandaj dhe shenjtorët e mëdhenj thonin vazhdimisht që shpëtimi kalon nga i afërmi ynë, mënyra se si ne i trajtojmë të afërmit, prandaj dhe një nga porositë e Zotit është që respekto nënën dhe babain dhe gjërat e tjera”, u shpreh Fortlumturia e Tij, Joani./ CNA





Lajmet e fundit nga