web counter
LEXO PA REKLAMA!

SHKARKO APP

App Store
Google Play

Parashikimi për fundjavën/ IGJEUM: Priten reshje intensive, ja qarqet ku mund të ketë problematika

30 Gusht 2025, 16:27, Aktualitet CNA

Parashikimi për fundjavën/ IGJEUM: Priten reshje intensive, ja qarqet

Instituti i Gjeoshkencave ka ndarë të dhëna nga parshikimi i motit për këtë fundjavë.

Sot pasdite (e shtunë, dt. 30) dhe nesër (e diel, dt. 31) priten reshje intensive në qarqet Lezhë Durrës dhe Tiranë. Në qarqet Shkodër, Dibër, Elbasan, Vlorë dhe Gjirokastër priten reshje mesatare deri lokalisht intensive. Në qarkun Kukës dhe Fier priten reshje mesatare, ndërsa në qarqet e tjerë priten reshje të dobëta deri lokalisht mesatare (siç tregohet në tabelë, respektivisht për secilin qark).

Reshjet priten të shoqërohen me shtrëngata në të gjitha qarqet.

Shtrëngatat dhe intensiteti i lartë i reshjeve, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër, Kukës, Dibër, Lezhë, Durrës, Tiranë, Elbasan, Fier dhe Vlorë.

Temperatura

Nesër (e diel, dt. 31) temperaturat minimale dhe maksimale të ajrit pritet të arrijnë:

në bregdet: 19 / 23 °C

në vendet e ulëta: 18 / 26 °C

në vendet malore: 14 / 24 °C

Era

Sot pasdite (e shtunë, dt. 30) dhe nesër (e diel, dt. 31) era pritet të fryjë e lehtë deri mesatare, për momente të shkurtra deri e fortë në bregdet dhe zonat malore./CNA





Lajmet e fundit nga