web counter
LEXO PA REKLAMA!

SHKARKO APP

App Store
Google Play

E fundit!

x

Shefja e misionit të FMN-së: Për t'u anëtarësuar në BE, duhen reforma gjithëpërfshirëse

14 Nëntor 2025, 12:48, Aktualitet CNA
Shefja e misionit të FMN-së: Për t'u anëtarësuar
Anke Weber

Misioni i Fondit Monetar Ndërkombëtar ka zhvilluar sot një konferencë përmbyllëse me Bankën e Shqipërisë dhe ministrin e Financave, Petrit Malajn.

Shefja e misionit të FMN-së për Shqipërinë, Anke Weber, gjatë fjalës së saj shprehu dhe rekomandimet për zhvillimin ekonomik të vendit. Ajo tha se duhen çuar përpara reformat në taksën e pronës dhe administrimin e të ardhurave tatimore përmes teknologjisë së informacionit, ndërsa theksoi se pjesa e valutës duhet të menaxhohet me kujdes.

Weber cilësoi si thelbësor edhe bashkëpunimin mes institucioneve dhe qeverisë. Ajo tha se për t’u anëtarësuar në BE deri në 2030 do të duhen reforma gjithëpërfshirëse në kapitalin njerëzor, tregun e punës, sundimin e ligjit dhe rregullat e biznesit.

“FMN rekomandon rritjen e të ardhurave të ulëta tatimore të Shqipërisë duke harmonizuar shpenzimet tatimore, duke çuar përpara reformat në taksën e pronës dhe duke forcuar administrimin e të ardhurave tatimore përmes teknologjisë së informacionit. Jemi të vetëdijshëm për rreziqet që po dalin dhe kërkojnë vëmendje nga afër. Është parë një rritje e fortë në huadhënien bankare. Edhe pjesa e valutës duhet të menaxhohet me kujdes. Duhet të ketë bashkëpunim mes institucioneve dhe qeverisë, kjo duhet të mbetet thelbësore.

Produktiviteti mbetet i ulët dhe krahu i punës po tkurret midis papunësisë së lartë mes të rinjve dhe emigracionit. Dobësitë e qeverisjes dhe kufizimet e kapaciteteve administrative paraqesin pengesa për bizneset. Për të përmbushur angazhimin e qeverisë për t'u anëtarësuar në BE deri në 2030 do të duhen reforma gjithëpërfshirëse në kapitalin njerëzor, tregun e punës, sundimin e ligjit dhe rregullat e biznesit.

Ne në FMN mbetemi të përkushtuar për të mbështetur Shqipërinë në këtë rrugëtim. Ne do të punojmë me autoritetet për të nxitur stabilitetin makroekonomik dhe standarde më të larta jetese. Në këtë kontekst fondi planifikon një vlerësim stabiliteti financiar në përputhje me FMN-në, BB dhe procedurat në fuqi”, tha Weber. /CNA





Lajmet e fundit nga