Saimir Vishaj shpall kandidaturën për "Avokatin e Popullit"/ Nis mbledhjen e firmave

16 Tetor 2025, 19:21, Aktualitet CNA

Saimir Vishaj shpall kandidaturën për "Avokatin e Popullit"/

Avokati Saimir Vishaj ka shpallur kandidaturën për të qenë Avokat i Popullit.

CNA e ka kontaktuar avokatin e mirënjohur, i cili e ka konfirmuar dhe gjithashtu ka thkesuar se po mbledh firmat. Aktualisht ka mbledhur rreth 20 firma nga të gjitha palët politike.

Deri tani kandidaturat e propozuara janë Besim Ndregjoni që e pretendon sërish Sali Berisha.

Kandidatura për Avokatin e Popullit/ PD propozon Besim Ndregjonin
17 Shkurt, 18:22

Nga Partia Socialiste në media është lakuar emri i ish-ministres së Drejtësisë Etilda Gjonaj.

Saimir Vishaj shpall kandidaturën për "Avokatin e Popullit"/

Që nga çelja e vakancës më 13 tetor për të marrë kreun e Avokatit të Popullit është lakuar edhe ish-deputeti i Partisë Demokratike Dashnor Sula.

Kuvendi shpall vakancën për Avokatin e Popullit/ 20 ditë afat për kandidaturat
13 Tetor, 18:05

Së fundmi është avokati Saimir Vishaj që ka zyrtarizuar kandidaturën e tij.

Saimir Vishaj ka përfunduar studimet për Drejtësi në vitin 1996 në Fakultetin e Drejtësisë në Universitetin e Tiranës. Me një eksperiencë të gjatë në fushën e avokatisë, Vishaj nga viti 2009 deri në shtator 2025 drejtoi Dhomën e Avokatëve Penalistë.

Zgjidhet drejtuesja e re e Shoqatës së Avokatëve Penalistë/ Ja emri që pason Saimir Vishajn
27 Shtator, 15:29

Avokati është një zë i fortë publik me qëndrimet për problematika të ndryshme lidhur me drejtësinë, gjyqësorin, ato sociale dhe jo vetëm. Interesi publik dominon në çdo dalje të tij edhe përballë çështjeve më të nxehta të aktualitetit dhe politikës.

Vishaj ngre alarmin: Gjykata që ka në dorë fatin e njeriut, pa mbrojtje
6 Tetor, 22:51
"Avokati im në luftë kundër dhunës në familje"/ Sajmir Vishaj promovon librin e tij dedikuar grave
2 Prill, 16:01
Saimir Vishaj denoncon skandalin me emërimet/ Akuza drejtorit të Shkollës së Magjistraturës
5 Shkurt, 20:15

Vishaj ka qenë avokat i disa prej çështjeve më të bujshme si ajo e “Lazaratit” apo autorit të vrasjes së grave Dan Hutra.

Dan Hutra e “bleu” me lekë gruan e dytë/ Saimir Vishaj: Ai dyshonte në një shtatzani
3 Mars, 08:50

Pak kohë më parë avokati sfidoi edhe sëmundjen e rëndë pas shumë muajsh në intubim. Pas kurimit në Itali Vishaj u rikthye në Shqipëri dhe në një dalje deklaroi: ika fshehtas nga spitali sepse duhet të punoj.

Aktualisht postin e Avokatit të Popullit e mban Erinda Ballanca mandati i së cilës ka përfunduar që në vitin 2022. Ballanca u zgjodh në vitin 2017 dhe ishte propozim i opozitës së kohës.

Mandati i Avokatit të Popullit është 5-vjeçar./CNA