web counter
LEXO PA REKLAMA!

SHKARKO APP

App Store
Google Play

“Rrugorja”, me dorë të hekurt/ Ndëshkon shoferët rebelë

20 Gusht 2025, 12:09, Aktualitet CNA

“Rrugorja”, me dorë të hekurt/ Ndëshkon shoferët

Policia Rrugore ka intensifikuar monitorimet e akseve rrugore 24/7, duke përdorur dronë, radarë, kamera, makina inteligjente dhe patrulla me mjete të pauniformuara.

Qëllimi i kontrolleve është parandalimi i aksidenteve dhe garantimi i sigurisë rrugore si dhe ulja e ndotjes akustike nga automjetet që krijojnë zhurma përmes modifikimeve të paligjshme.

Nga monitorimi gjatë dy javëve të fundit “Rrugorja” ka ndëshkuar shoferët “rebelë”.

77 shtetas janë proceduar penalisht pasi me automjetet e parkuara në mënyrë të gabuar kishin penguar lëvizjen. Automjetet e tyre janë tërhequr me mjet ngritës.

66 shtetas janë arrestuar ose proceduar penalisht për drejtim mjeti në gjendje të dehur, për drejtim mjeti pa leje drejtimi apo shkelja e rregullave të qarkullimit rrugor.

5 shtetas janë proceduar penalisht, pasi tentuan të korruptonin punonjësit e Policisë Rrugore me qëllim shmangien e përgjegjësisë penale.

Po ashtu janë kapur 3 persona të shpallur në kërkim, janë bllokuar 108 automjete për shkelje të ndryshme rrugore, janë pezulluar 53 leje drejtimi dhe janë evidentuar 33 raste të automjeteve që kryejnë transport publik në mënyrë të kundërligjshme (drejtues taxi pa dëshmi përkatëse, taksi me targa të bardha, autobus me ndryshim destinacioni nga ai që përcakton leja e transportit).

Policia Rrugore apelon për respektim rigoroz të rregullave të qarkullimit rrugor nga të gjithë: drejtues automjetesh, motomjetesh, këmbësorë, si dhe ata që lëvizin me biçikleta ose monopatina, për të garantuar siguri për çdo përdorues të rrugës./ CNA





Lajmet e fundit nga