web counter
LEXO PA REKLAMA!

SHKARKO APP

App Store
Google Play

Projektligji për kërkimin shkencor/ Meta: Poshtëron botën akademike  

14 Tetor 2024, 10:47, Aktualitet CNA
Projektligji për kërkimin shkencor/ Meta: Poshtëron botën
Kreu i Partisë së Lirisë, Ilir Meta

Kreu i Partisë së Lirisë, Ilir Meta ka komentuar projektligji për Shkencën dhe kërkimin shkencor në Republikën e Shqipërisë.

Sipas Metës ky ligj poshtëron botën akademike dhe shkencore, duke e quajtur si “dhuratë poshtëruse" nga qeveria në nisje të sezonit të ri universitar.

“Sezonin e ri universitar Qeveria e nis me një "dhuratë poshtëruese" duke bërë gati një ligj që poshtëron botën akademike dhe shkencore në vend.

Në krye të shkencës do të jetë vetë ai që shkatërroi çdo institucion kërkimor dhe shkencor, që shkatërroi lirinë akademike dhe autonominë universitare, që bën fushata intimiduese ndaj pedagogëve që kërkojnë të drejtat e tyre, që e ka çuar nivelin e buxhetimit për Arsimin më pak se gjysma e vendeve fqinje, që e rriti analfabetizmin funksional dhe ka gati zero fonde për kërkimin shkencor.

Kjo shkresë tregon edhe fyerjen ndaj mendimeve të Konferencës të Rektorëve, mendimi i të cilëve kërkohet vetëm për formalitet.

Për Partinë e Lirisë, Arsimi dhe investimi në Kapitalin Njerëzor, është një nga 5 Prioritetet tona madhore.

Partia e Lirisë angazhohet në programin e saj konkret për dyfishimin e nivelit të buxhetimit për Arsimin dhe Inovacionin, për të kaluar mbi mesataren e vendeve të Bashkimit Europian dhe vendeve të rajonit.

Investimi në Arsim dhe Kërkim Shkencor do të jetë në nivelin 5% të PBB.

Mësuesia do të konsiderohet degë prioritare dhe do të shoqërohet me mbështetje financiare për studentët dhe mësuesit.

Do të trajtohen me investime prioritare degët e teknologjisë dhe informacionit.

Vetëm kështu përgatisim një fuqi të kualifikuar njerëzore për ta kthyer Shqipërinë në fuqi eksportuese”, shkruan Meta./ CNA





Lajmet e fundit nga