web counter
LEXO PA REKLAMA!

SHKARKO APP

App Store
Google Play

E fundit!

x

Polici i vuri flakën protestuesit/ Reagon aktorja: Është babai im, historia përsëritet...

8 Tetor 2024, 10:53, Aktualitet CNA
Polici i vuri flakën protestuesit/ Reagon aktorja: Është babai
Protestuesi që mori flakë

Mbrëmjen e djeshme, gjatë protestës së opozitës, një efektiv policie shtyu me këmbë një molotov drejt protestuesve dhe njëri prej tyre mori flakë.

Protestuesi që u lëndua nga molotovi rezulton të jetë babai i aktores Juli Emiri.

Kjo e fundit ka reaguar pas veprimit të policit, duke deklaruar se pavarësisht përpjekjeve për të shuar flakët, policia nuk reagoi në asnjë moment që t’i hedhë ujë.

Ajo shprehet se dje rastisi babai i saj, ndërsa nesër mund të jetë kushdo, pasi nënvizon se historia përsëritet aq herë sa nuk zënë mend shqiptarët.

“Ky është babi im. Një nga flakëhedhëset që një protestues e hodhi në drejtim të bashkisë, një nga policët ia hodhi babit te këmbët. Babi mori flakë. Unë u sula t'ia shuaj, bashkë me protestues të tjerë. U dogja dhe unë. Pas disa minutash, ku godisnim me ç'të mundnim, flaka u shua. Gjatë gjithë kësaj kohe, policët për asnjë çast nuk na hodhën ujin me të cilin shpërndanin protestuesit.

Babi mund të kishte vdekur sot.

Nga ata që lexojnë këtë status, ka një pjesë që u bëhet qejfi e thonë 'mirë t'u bëhet/ç'u duhej të dilnin/vetë hodhën flakëhedhëse (jo babi)', ka një pjesë që u vjen tmerrësisht keq jo thjesht për babin, por se kuptojnë diktaturën që po u riinstalohet para syve me vrasës gjakftohtë dhe u shtohet forca dhe motivi për ta mposhtur dhe një pjesë që u vjen keq, por mendojnë 'shyqyr që nuk isha/ja pse nuk duhet dalë në protestë se shiko ç'ndodh' pa e kuptuar sa shpejt do t'u vijë radha. Kjo pjesa e fundit është ajo që ka mbajtur gjithnjë Shqipërinë zvarrë, të nënshtruar, të pushtuar, të skllavëruar, që sjell e risjell diktaturën në një formë apo në një tjetër, periodikisht. Historia përsëritet aq herë sa nuk zëmë mend!”, thekson aktorja./ CNA





Lajmet e fundit nga