Një hoxhë turk për xhaminë e Namazgjasë/ Ku janë fshehur pseudopatriotët?!

8 Tetor 2024, 10:08, Aktualitet CNA

Një hoxhë turk për xhaminë e Namazgjasë/ Ku janë

Fotomontazh - Presidenti turk, Recep Tayyip Erdogan, në sfond Xhamia e Namazgjasë

Presidenti turk, Recep Tayyip Erdogan, pritet të vizitojë të enjten Tiranën.

Qëllimi i vizitës së tij në kryeqytet është inaugurimi i xhamisë së Namazgjasë, një objekt i përfunduar me vonesë, me shtyrje, një qendër për komunitetin mysliman, më e madhja në Shqipëri që ndërtohet prej shumë vitesh, më në fund po përfundon.

Tashmë kurorës së objekteve të kultit në qendër të Tiranës i shtohet e përfunduar edhe xhamia e Namazgjasë, e cila është ndërtuar me financimin e qeverisë turke, pas ndërtimit të kishës Katolike dhe asaj Orthodhokse.

Xhamia e Namazgjasë

Ajo që bie në sy është njoftimi i hoxhës turk, Enes Bastur, i cili thotë se do të jetë ai myftiu i xhamisë së Namazgjasë.

“Të dashur miq, me udhëzimet e Drejtorisë sonë të Çështjeve Fetare, më caktuan te faltorja e madhe e xhamisë qendrore Namazgja në Tiranë”, shkruan Bastur në rrjetet sociale.

Njoftimi i hoxhës turk, Enes Bastur

Historia për inaugurimin e kësaj xhamie ka vite debate, që lidhet me përplasjet e presidentit turk dhe njerëzve të tij me komunitetin mysliman.

Presidenti Erdogan dhe njerëzit e tij pretendojnë se Komuniteti Mysliman Shqiptar drejtohet nga njerëz të papëlqyer prej tij, kryesisht nga ata që i ka shpallur armiq, njerëz të drejtimit të Fethullah Gylen, klerikut turk, dikur mik i Erdoganit, tani armiq të përbetuar.

Ndërtimi i xhamisë së Namazgjasë është një lajm i mirë, por emërimi i një turku hoxhë në këtë xhami është një lajm i keq, kjo për kokat e nxehta pseudopatriotike. Nuk ka të keqe të vijë në një kishë një prift katolik italian, apo një prift grek orthodhoks, apo nga Afrika, apo nga Greqia, apo nga Turqia një hoxhë.

Xhamia e Namazgjasë

Kultet fetare janë të hapura, tashmë edhe ato janë nën ndikimin global, por shpesh shohim që mendje të nxehta si kjo edhe e Erdoganit që kërkon me çdo kush një hoxhë turk në xhaminë e Namazgjasë se nuk i pëlqejnë ata dhjetëra djem shqiptarë që kanë studiuar qoftë edhe në Shqipëri dhe janë klerikë të shkëlqyer, që bëjnë krenarë kombin, flasin, bërtasin, ulërasin kur ka klerikë të huaj.

Po tani çfarë do të thonë këto kokë të nxehta kur megjithëse Komuniteti Mysliman ka dhjetëra apo qindra hoxhallarë të mirëshkolluar, djem intelektualë me vlera të padiskutueshme që nuk do të drejtojnë xhaminë e Namazgjasë, por i bëhet qejfi presidentit turk, Recep Tayyip Erdogan, dhe ndërhyn në punët e xhamisë së një shteti sovran për të vendosur një hoxhë që do ai.

Presidenti turk, Recep Tayyip Erdogan

Për çfarë arsyeje?

Nuk ka asgjë të keqe në fakt për dikë, është e rëndë për dikë tjetër, por më e turpshmja është heshtja e pseudonacionalistëve, heshtja e pseudopatriotëve që gjithmonë bërtasin dhe ulërasin publikisht apo në rrjetet sociale e media për klerikët e huaj në Shqipëri.

Tashmë që Komunitetit Mysliman xhaminë kryesore të vendit ia mori një hoxhë turk, çfarë do të thonë këto kokë të nxehta të paditura dhe të pakulturuara kurrë?/ CNA