web counter
LEXO PA REKLAMA!

SHKARKO APP

App Store
Google Play

E fundit!

x

Po transportonte emigrantë ilegalë/ Arrestohet 38-vjeçari

12 Korrik 2024, 11:05, Kronika CNA
Po transportonte emigrantë ilegalë/ Arrestohet 38-vjeçari
Foto ilustruese, Policia e Shtetit

Policia e Shkodrës ka arrestuar një 38-vjeçar me iniciale O.S., pasi u kap në flagrancë në fshatin Vukpalaj, duke transportuar me automjet, kundrejt pagesës, 2 emigrantë nga Irani, që synonin të kalonin ilegalisht kufirin. 

Njoftimi i policisë:

U kap në flagrancë në fshatin Vukpalaj, duke transportuar me automjet, kundrejt pagesës, 2 emigrantë nga Irani, që synonin të kalonin ilegalisht kufirin, vihet në pranga 38-vjeçari.

Shërbimet e Stacionit të Policisë Kufitare Bajzë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit, në bazë të informacioneve të siguruara në rrugë policore, për një rast të tillë, kanë organizuar në bashkëpunim me DVKM Shkodër, operacionin policor të koduar “Near”, si rezultat i të cilit u arrestua në flagrancë shtetasi:

O. S., 38 vjeç, banues në Tiranë.

Ky shtetas u kap në flagrancë nga sherbimet e Policisë Kufitare, në rrugën e fshatit Vukpalaj, duke transportuar me automjetin tip “BMW", kundrejt pagesës, 2 emigrantë nga Irani, që synonin të kalonin ilegalisht kufirin.

Në cilësinë e provës materiale u sekuestruan automjeti dhe 2 celularë. Materialet procedurale i kaluan Prokurorisë, për veprime të mëtejshme./CNA 





Lajmet e fundit nga