web counter
LEXO PA REKLAMA!

SHKARKO APP

App Store
Google Play

Pikë të re kufitare, linjë hekurudhore Shkup-Durrës dhe një “port i thatë”/ Tri propozimet që po diskutohen në Shkup

14 Nëntor 2022, 11:17, Aktualitet CNA

Pikë të re kufitare, linjë hekurudhore Shkup-Durrës dhe

Zv.kryeministri i parë i Maqedonisë së Veriut, Artan Grubi, ka folur për tri propozimet që do të lidhin më shumë Maqedoninë e Veriut me Shqipërinë.

Tri propozimet janë hapja e një pikë të re kufitare mes dy vendeve, lidhja e dy vendeve me hekurudhë Shkup-Durrës si dhe krijimi i një “Porti të Thatë” në Strugë që do t’i japë Maqedonisë së Veriut, “dalje në det”.

“Nuk është tabu që kryeministri të jetë shqiptar, me Shqipërinë nuk kemi asnjë çështje të hapur, por kemi marrëdhënie bilaterale.

Formimi i komisionit të përbashkët, që do përcaktojë vendodhjen e rrugëve, llojet e ngarkesave dhe udhëtarëve, ka të bëjë me 2 autostradat tona në Korridorin 8.

Anëtarë të këtij Komisioni do të jenë Ministria e Jashtme, Ministria e Brendshme dhe Drejtoria e Doganave. E dyta, hekurudha Shkup-Durrës, dhe e treta që është nismë e Ramës, bëhet fjalë për Portin e Thatë në Strugë, në 3 muaj, palët do të bëjnë plan për ndërtimin e këtij porti, falënderoj Ramën, që na mundësoi qasjen e një vendi pa det në portin e Durrësit dhe vetëm në këtë mënyrë zhvillohen marrëdhëniet vëllazërorë”, tha Grubi./CNA.al





Lajmet e fundit nga