web counter
LEXO PA REKLAMA!

SHKARKO APP

App Store
Google Play

E fundit!

x

Pedagogët vazhdojnë me qëndresën/ Kushi nuk gjen zgjidhje për pagat, kërkesat ende në letër

23 Shtator 2022, 19:43, Aktualitet CNA
Pedagogët vazhdojnë me qëndresën/ Kushi nuk gjen zgjidhje
Pamje nga mbledhja

Ministrja e Arsimit, Evis Kushi, pas diskutimeve me Sindikatën e Punonjësve të Universiteteve të Shqipërisë ka zbuluar se disa prej çështjeve të pedagogëve janë në proces shqyrtimi.

Kushi ka vendosur që çështja për rritjen e pagës, një nga pikat kryesore të kërkesave të pedagogëve, të mbetet në kuadër të dialogut.

"Zhvilluam sot një tryezë diskutimi të gjatë me Sindikatën e Punonjësve të Universiteteve të Shqipërisë në lidhje me kërkesat e parashtruara prej tyre.

Pjesën më të madhe të çështjeve të parashtruara e kemi tashmë në proces draftimi edhe me Komitetin e Përbashkët të Politikave për Arsimin e Lartë dhe Konferencën e Rektorëve, të tilla si:

- mbështetja e kërkimit shkencor, e cila do të reflektohet edhe në Strategjinë e re Kombëtare të Shkencës, Teknologjisë dhe Inovacionit;

- rishikimi i udhëzimit për veprimtarinë dhe ngarkesën mësimore të pedagogëve;

- rishikimi i procedurave për pagesën e orëve suplementare;

- rishikimi i kritereve për marrjen e titujve akademike;

- si dhe rritja e transparencës për veprimtarinë akademike dhe financiare të universiteteve.

Ndërkohë, do të vazhdojmë dialogun për politikën e pagave jo vetëm me ta, por edhe me rektorët e universiteteve dhe grupet e interesit. Ne synojmë që kjo politikë të lidhet me performancën e universiteteve, me qëllim vlerësimin e suksesit dhe nxitjen e cilësisë dhe konkurrencës", shkruan Kushi në rrjetet sociale./ CNA.al





Lajmet e fundit nga