web counter
LEXO PA REKLAMA!

SHKARKO APP

App Store
Google Play

E fundit!

x

Palaçoja në ekran

14 Janar 2025, 11:04, Aktualitet CNA
Palaçoja në ekran
Prefekti i qarkut të Korçës, Nertil Jole

Kishte kohë që një palaço politik, i cili është emëruar nga skuta të dyshimta si prefekti i Korçës, dje u shfaq në tri ekrane njëkohësisht, a thua se në Korçë po bëhej nami nga dëbora apo kishte dalë në terren në rrugë të bllokuara.

Palaçoja në ekran
Nertil Joe, deklaratë për situatën e motit në Korçë

Në fakt, një natë më parë kur vazhdonin reshjet e dëborës apo kur kishte raste emergjente, jo vetëm nuk doli nëpër ekrane “bukuroshi” që drejton prefekturën e Korçës, por u fsheh dhe për më tepër nuk jepte informacion as për mediat.

Ditën e djeshme, CNA bëri një reagim të fortë ndaj tij pasi prefekturat kanë emergjencat dhe ky institucion duhet të japë informacion të pandalshëm, jo për ne si media apo për kolegët tanë, por për të informuar qytetarët, se informacioni nuk jepet shkresërisht nëpër zyra dhe mbahet në dosje, por duhet për publikun që qytetarët të dinë ku të udhëtojnë, si të udhëtojnë, si është situata e motit, sepse kanë njerëz e familjarë diku larg, janë në një udhëtim, presin t’ju vijë dikush, kanë festa e të tjera...

Ndaj dhe prefektura, atje ku drejton dhe emergjencat, duhet të koordinohet, të japë informacion të pandalshëm, sepse nuk është e rëndësishme del apo jo prefekti në media, rëndësi ka të jepet informacion, gjë që prefektura e Korçës nuk e bëri dhe për më tepër u përgjigj edhe me arrogancë. Na tha se grupin e komunikimit me gazetarët e kishte për aktivitetet që bënte prefekti.

Palaçoja në ekran
Nertil Joe, prononcohet për mediat pas denoncimit nga CNA

Ky njeri i rëndësishëm i Korçës që më shumë duket si palaço cirku sesa si politikan dhe prefekt, se deri më tani nuk e ka dëgjuar askush se cili është vizioni politik i këtij prefekti për qarkun tonë, por del duke bërë për të qeshur politikanët që vijnë vërdallë apo njerëzit që ndjekin aktivitetet politike.

I qau syri të bëhej kryetar bashkie, tani po i qan syri të bëhet deputet dhe dje menjëherë pasi CNA e denoncoi publikisht për shkeljen e ligjit se nuk informonte qytetarët reagoi dhe na doli në tri ekrane televizive.

Ai e ka një çelës mediatik në Tiranë, është një gazetar i nderuar që është familjar i tij dhe ndoshta e mbështet nipin me idenë se diçka do të bëjë që t’i ecë karriera përpara.

Në fakt, ndoshta bëmë gabim që shkruam se me vrap doli në televizion, por të paktën të na e dijë ai për nder, jo kush tjetër.

Por, ne këtu do të jemi për t’i çjerrë maskën palaços që drejton prefekturën e Korçës, jo për ta bërë deputet siç ai ka qejf apo familjarët e tij, apo kur shprehet në telefonatat pasionante me ish-misin shqiptar se tani ka të tjera halle.

Për t’ia çjerrë vërtetë sepse politikanë të tillë nuk i duhen Parlamentit shqiptar.

Ndoshta dikush mund të thotë, kur janë një qind e ca budallenj e të paaftë dhe memecë atje ça pune prish se shkon edhe ky prefekti i Korçës.

Por, në fakt prish punë sepse Korça nuk mund të përfaqësohet nga një njeri i tillë./CNA





Lajmet e fundit nga