E fundit!

13:26 Aktualitet

Pastrim parash përmes tre shoqërive fasadë/ SPAK dërgon në gjyq katër persona

Prokuroria e Posaçme ka dërguar në gjyq katër të pandehur ...

Olsian Çela shënjestron KLP-në: Ndërveprimi defektoz

7 Korrik 2026, 12:35, Aktualitet CNA

Prokurori i Përgjithshëm, Olsian Çela, në Komisionin për Nismat Qytetare, Bashkëpunimin dhe Mbikëqyrjen Institucionale ka shënjestuar KLP-në duke deklaruar se mes dy institucioneve ka pasur probleme për mënyrën e ndërveprimit, të cilën Çela e ka vlerësuar si defektoze, kjo për shkak të lëvizjeve të prokurorëve, caktimit të përkohshëm të tyre që sipas tij duhet të bëhen në koordinim me Prokurorin e Përgjithshëm.

Ai theksoi se llogaridhënia është thelbësore, duke sjellë rastin e një prokuroreje, e cila, sipas tij, duhet të merrte një masë disiplinore për mënyrë dhe gjuhën e përdorur në një ankesë për vendimin e Gjykatës së Apelit.

Sipas tij, një masë disiplinore në këtë rast do të vërtetonte se sistemi i përgjegjësisë disiplinore funksionon.

“Kam qenë i pari që kam vënë në pah në komision, problemet që kemi pasur me KLP-në për mënyrën e ndërveprimit, që ka qenë defektoze për shkak të lëvizjeve të prokurorëve, caktimit të përkohshëm, që në gjykimin tim duhet të bëheshin në koordinim me Prokurorin e Përgjithshëm, pasi është ai që mban përgjegjësi për mirëfunksionimin e sistemit dhe nëse lëvizjet bëhen pa u konsultuar paraprakisht, atëherë ka dështuar mekanizmi.

Ka qenë një nga çështjet që kemi dashur të shtojmë në memorandumin e bashkëpunimit të firmosur së fundmi, ku parashikohet një mekanizëm konsultimi paraprak për çështje të kësaj natyre.

Unë mendoj që llogaridhënia është thelbësore.

Dy janë momentet që doja të kapja: si vlerësohen rastet dhe procedimet disiplinore. Do të jap një rast, një çështje që e kam ngritur vjet, të një prokuroreje, e cila në një ankesë përdori gjuhë të papranueshme për një vendim të Gjykatës së Apelit dhe me këtë iu drejtua edhe institucioneve që nuk kanë lidhje me drejtësinë. Meritonte një masë minimale, qoftë edhe një vërejtje simbolike, për të vërtetuar që sistemi i përgjegjësisë disiplinore funksionon. Dështoi edhe ky sistem. Ka një problem se si perceptohet përgjegjësia që kanë anëtarët”, tha Çela./ CNA