web counter
LEXO PA REKLAMA!

SHKARKO APP

App Store
Google Play

Ngujimi në Orosh/ Gazetari Dervishi: Një prej personave me të kaluar kriminale, kërcënoi në mes të gjyqit

24 Nëntor 2025, 21:43, Aktualitet CNA

Ngujimi në Orosh/ Gazetari Dervishi: Një prej personave me të

Gazetari Ferdinand Dervishi zbuloi sot pak nga e kaluara e një prej personave të ngujuar këtë të hënë në fshatin Orosh të Fushë-Arrëzit, të vetëdorëzuar pas një aksioni disa orësh nga forcat RENEA.

Në një studio televizive, Dervishi tha se shtetasi i njohur me pseudonimin Hamza, ka qenë i dënuar me 3 vite burg në vitin 2019.

Gazetari tha se një ngjarje e bujshme, ishte kur kërcënoi prokurorin në mes të sallës së gjyqit.

“Hamza në gjuhën arabe do të thotë Luan. Ai e ka emrin Erzen, por nuk e dimë nëse personat e dorëzuar janë këta, do të verifikohet. Erzeni është arrestuar në 12 dhjetor 2019 për terrorizëm, si person me pritje radikale dhe ka qenë komando në Afganistan.

E çuditshme është që të shkosh atje për të luftuar terrorin dhe të kthehesh radikal. Është gjetur video ku u mësonte fëmijëve se si të stërviteshin. Është mbrojtur dhe kanë thënë se këto janë private.

U dënua 3 vite burg në 2019 dhe e kreu. Në sallën e gjyqit kërcënoi gjyqtarin dhe prokurorin Eugen Beçi dhe madje futi edhe njerëz nga jashtë për t’i kërcënuar.

Ky njeri është ndër personat më të vëzhguar nga antiterrori për problemet që ka paraqitur për lidhjet dhe mënyrën si funksionon”,- tha Dervishi./CNA

 

 

 

 

 

 

 





Lajmet e fundit nga