web counter
LEXO PA REKLAMA!

SHKARKO APP

App Store
Google Play

RENEA në Orosh/ Klodiana Lala: 2 personat e ngujuar me prirje radikale, vijojnë kontrollet

24 Nëntor 2025, 21:29, Aktualitet CNA

RENEA në Orosh/ Klodiana Lala: 2 personat e ngujuar me prirje radikale,

Gazetarja Klodiana Lala ka ndarë detaje mbremjen e kësaj së hëne lidhur me operacionin e forcave RENEA në Orosh të Fushë-Arrëz, ku dy persona qëndruan të ngujuar për disa orë.

E ftuar në një emision televiziv, Lala tha sipas informacioneve, këta dy persona rezultojnë të jenë individë me prirje radikale .

Lala zbuloi edhe rrjedhën e ngjarjes, nga njoftimi në sallën operative të komisariatit e deri te vetëdorëzimi i shtetasve.

“Vetëm pak minuta më parë janë vetë-dorëzuar dy persona që kanë qëndruar të ngujuar në fshatin Orosh. Është negociuar nga forcat RENEA dhe policia.

J. C. dhe H. U., ndjekës të besimit fetar mysliman, me prirje radikale, janë ngujuar në një banesë në zonën e fshatit Orosh, njësia administrative Qafë Mali, zonë mjaft e thellë, nuk ka as valë telefoni. Ka qenë policia e Shkodrës dhe Komisariati i Pukës që janë vënë në dijeni dhe pastaj RENEA.

Për gjashtë orë kanë negociuar forcat RENEA, por nuk kanë bindur dot për vetë dorëzim dhe të mos qëllohej. Vëllai i J. C. ka negociuar dhe e ka bindur të vetëdorëzohet.

Ngjarja është në zhvillim e sipër. Kanë negociuar edhe familjarë të H. U., që ka edhe emra të tjerë. Dyshohet të jetë person me prirje radikale.

Në këto momente është konfimuar nga RENEA se po ushtrohet kontroll me qen anti-eksploziv dhe anti-minë. Nga banesa janë bërë thirrje që konsiderohen terroriste. 

Pritet të shoqërohen në polici dhe më pas në Tiranë, ku do të merren në pyetje, për të shpjeguar pse ishin të armatosur. Nuk kemi informacion nëse janë gjetur lëndë eksplozive apo sende të tjera të paligjshme.

Nga anti-terrori më kanë konfimruar se H. U., ka qenë në vëzhgim prej kohësh. Në Facebook shpërndante thirrje ekstremiste, radikale, thirrje për luftën ne Siri dhe hoxhallarë që bëjnë thirrje ekstremiste. Por pasi të identifikohet nga policia me shenjat e gishtërinjve, do të jepen të dhëna të sakta. Por paraprakisht bëhet fjalë për ish komandon.

Kanë kërcënuar policinë se do të qëllojnë. Paraprakisht thuhet, dhe fotoja është shpërndarë nga policia. Identifikohet personi në foto si H. U., ka dyshime për përfshirje në vepra me natyrë terroriste. Në orët në vijim mund të kemi sqarim të ngjarjes”,-deklaroi Lala./CNA

 





Lajmet e fundit nga