web counter
LEXO PA REKLAMA!

SHKARKO APP

App Store
Google Play

E fundit!

x

“Në mbrojtje të agresorëve”/ Gazetarja: Policia e Shtetit është kthyer në një polici private të Prodës

1 Korrik 2025, 08:10, Aktualitet CNA

“Në mbrojtje të agresorëve”/ Gazetarja: Policia e

Gazetarja Klodiana Lala ka deklaruar se Policia e Shtetit është kthyer në një polici private të Ilir Prodës.

E ftuar në emisionin e Çim Pekës, gazetarja ka rrëfyer një ngjarje ku ngre dyshime se agresorët që kanë sulmuar një 27-vjeçar mbrohen nga policia.

Gazetarja shtoi se për këtë ngjarje u është kërkuar gazetarëve të mos i japin zë. 

“Bëhet fjalë për një 27-vjeçar, i quajtur Eduart Koboci, jeton jashtë vendit, mësoj nga rrëfimi i tij, i cili një mbrëmje pasi lejoi një të njohur të tij në zonën e Yzberishtit, kthehet me qëllim që të niset për në drejtim të Kishës së Laçit.

Ndalova, tha, një moment pranë spitalit American 3, sepse po shkëmbeja disa mesazhe dhe nuk doja të shkëmbeja mesazhe në automjet, nga frika e ndonjë aksidenti. Makina ime tha është me xhama të zinj dhe nuk dallohet se kush është brenda, dhe papritmas erdhën 4 persona dhe tentuan të hapnin dyert.

Dyert, tha, nuk u hapën dhe ata tentuan të godisnin në të dyja anët e automjetit.

Në atë moment, nga frika rrëfen ai, i kam dhënë gaz me shpejtësi dhe kam tentuar të largohem.

Në atë moment, e kanë qëlluar në drejtim të automjetit të paktën 9 herë sipas tij e kanë qëlluar me armë, dhe këto janë fakte që duhet t’i verifikojë prokuroria dhe policia.

Unë kam dhe një foto e cila tregon se unë jam takuar me personin.

Ai pretendon se është shpallur në kërkim pasi në momentin që është larguar me automjetin e tij, automjeti tjetër ku udhëtonin agresorët e ka goditur nga pas dhe ky ka përplasur një automjet që kishte para.

Makina, tha, nuk ndezi dhe unë dola nga automjeti dhe kam ikur me vrap.

Unë, tha, jam në kërkim, dhe absolutisht nëse ka kryer vepër penale, ky personazh, unë nuk e di çfarë përfaqëson në jetën e vet, duhet patjetër ta hetojë prokuroria për largim nga vendi i aksidentit.

Ndërkohë agresorët të cilët e kanë sulmuar, nuk janë shpallur në kërkim deri më tani nga policia dhe mbrohen nga policia.

Kur u bënë kërkime se kush ishin personat që ky person akuzonte, në fakt më rezultojnë njerëz të cilët duhen hetuar, me lidhje shumë të forta në polici.

Arnold Cara është kushëriri i parë i biznesmenit Ylli Cara, ish-ortak me drejtorin e Përgjithshëm të policisë së shtetit zotin Ilir Proda.

Ylli Cara përmendet edhe në dosjen e vetingut të Ilir Prodës për shkak se kanë pasur marrëdhënie biznesi dhe për shkak se një banesë që ka pasur në pronësi Ylli Cara ia ka kaluar më pas në pronësi Ilir Prodës.

Mua më rezulton se për shkak të kësaj lidhjeje unë ngre dyshime të plota se përse ata nuk janë hetuar dhe nuk janë shpallur në kërkim.

Çfarë ndodhi më tej, kjo dosje nuk u dorëzua në prokurori.

Policia e Shtetit është kthyer në një polici private të Ilir Prodës, dhe pas kësaj ngjarjeje, unë ju garantoj se faktet do të dalin një ditë, u është kërkuar gazetarëve të caktuar të mos i japin zë kësaj historie. Dhe një histori tjetër që po përfshin biznesmenin Cara", tha gazetarja Klodiana Lala./ CNA





Lajmet e fundit nga