web counter
LEXO PA REKLAMA!

SHKARKO APP

App Store
Google Play

Në kërkim nga policia/ Përgjegjësja e Kadastrës, nënë e 7 fëmijëve, ish-kandidate për deputete

14 Korrik 2022, 15:05, Aktualitet CNA
Në kërkim nga policia/ Përgjegjësja e Kadastrës,
Ajlin Alfredaj

Policia e Tropojës ka shpallur në kërkim 31-vjeçaren Ajlin Alfredaj, me detyrë përgjegjëse e zyrës vendore të Agjencisë Shtetërore të Kadastrës në këtë qytet.

Alfredaj u shpall në kërkim në sajë të operacionit “Cancel”, nga specialistët e Hetimit të Krimit Ekonomik dhe Financiar në Komisariatin e Policisë Tropojë.

Prokuroria ka dërguar urdhrin për ekzekutimin e vendimit të Gjykatës së Tropojës, pasi ndaj 31-vjeçares është marrë masa “Pezullimi i ushtrimit të detyrës” dhe “Arrest në shtëpi”.

Ajo akuzohet për “Falsifikim të dokumenteve”, “Kundërshtim të punonjësit që kryen një detyrë shtetërore apo një shërbim publik” dhe “Veprime që pengojnë zbulimin e së vërtetës”.

Nga muaji nëntor i vitit 2021 deri në muajin qershor të këtij viti, ndaj kësaj shtetase ka pasur kallëzime se falsifikonte dokumentet e pronave, duke i regjistruar ato në emër të shtetasve të tjerë dhe jo të pronarëve të ligjshëm të tyre.

Kujtojmë se Ajlin Alfredaj ka kandiduar në zgjedhjet e fundit parlamentare për deputete, në Tropojë, në zgjehdjet e 2021-shit.

Gjatë kohës që ajo kandidonte për deputete, ka deklaruar se është nën e 7 fëmijëve dhe ka përfunduar 2 fakultete./ B.A. – CNA.al





Lajmet e fundit nga