web counter
LEXO PA REKLAMA!

SHKARKO APP

App Store
Google Play

E fundit!

x

Kryebashkiaku i Pogradecit mohon lajmin/ "Dhëndri im s'është arrestuar, ndodhet në Turqi"

14 Korrik 2022, 12:21, Aktualitet CNA
Kryebashkiaku i Pogradecit mohon lajmin/ "Dhëndri im
Kryebashkiaku i Pogradecit, Ilir Xhakolli

Kryebashkiaku i Pogradecit, Ilir Xhakolli, ka reaguar për lajmin se dhëndri i tij është vënë në pranga në Ohër, pas zbulimit të një fabrike kanabisi.

Xhakolli ka mohuar lajmin dhe ka deklaruar se dhëndri i tij është me familjen në Turqi. Kryebashkiaku socialist ka theksuar se dhëndri i tij nuk ka asnjë lidhje me ngjarjen në Maqedoninë e Veriut.

“Unë jam vetë me pushime në Greqi me familjen, kurse dhëndri im është me familjen në Turqi. Nuk është arrestuar fare dhe s’ka lidhje me këtë ngjarje”, është shprehur ai për mediat.

Ndërkohë, kujtojmë se policia maqedonase ka zbuluar 3.000 rrënjë ilegale të marijuanës, 100 litra vaj kanabisi, si dhe 600 kg kanabis i tharë.

Fabrika ka qenë e regjistruar si filial i kompanisë "Greenego 2018" nga fshati Drsllajcë i Strugës, por nuk ka pasur licencë për prodhim të marijuanës. Sipas mediave, në këtë aksion janë arrestuar 10 persona, mes tyre edhe dhëndri i kryetarit të Bashkisë së Pogradecit, për të cilin thuhet se ka qenë pronar i fshehur i kësaj “fabrike”, lajm ky i hedhur poshtë nga Xhakolli./ B.A. – CNA.al





Lajmet e fundit nga