web counter
LEXO PA REKLAMA!

SHKARKO APP

App Store
Google Play

E fundit!

x

Moti i keq/ Këlliçi: Mjafton një ditë me reshje që Tirana të kthehet në makth për qytetarët

6 Janar 2026, 16:23, Aktualitet CNA

Moti i keq/ Këlliçi: Mjafton një ditë me reshje që

Deputeti i Partisë Demokratike, Belind Këlliçi ka reaguar përmes një postimi në rrjetet sociale lidhur me situatën e shkaktuar nga reshjet e dendura të shiut që kanë përfshirë vendin në 24 orët e fundit.

Në postimin e tij, Këlliçi shprehet se mjafton një ditë me reshje që trafiku dhe rrugët e bllokuara të kthehen në makth për qytetarët.

Sipas tij e njëjta situatë është edhe në qytete të tjera si Durrësi, Kukësi dhe Lezha. Deputeti shton më tej se në një shtet normal moti dhe elementët natyrorë nuk paralizojnë rrugët, funksionimin normal të jetës shoqërore e ekonomike.

Postimi i plotë:

Shteti i mposhtur nga shiu!

Mjafton një ditë me reshje që Tirana të kthehet në një makth për qytetarët e saj, për shkak të trafikut të rënduar dhe rrugëve të bllokuara.

Situata me reshjet ka pamundësuar jetën normale jo vetëm në kryeqytet, por edhe në qytete të tjera si Durrësi, Kukësi dhe Lezha.

Në një shtet normal moti dhe elementët natyrorë nuk paralizojnë rrugët, funksionimin normal të jetës shoqërore e ekonomike.

Në shtetin e dështuar apo narkoshtetin e Edi Ramës, mungesat e rënda të investimeve në infrastrukturë kritike, çojnë në emergjencat e njëpasnjëshme, ku sigurisht do të ngrihet një komitet për të hedhur foto në rrjetet sociale.

Është koha për t’i dhënë fund anormalitetit dhe regjimit të krizës.

Shqiptarët meritojnë më shumë. /CNA





Lajmet e fundit nga