web counter
LEXO PA REKLAMA!

SHKARKO APP

Epifania në Korçë/ Besimtarët orthodoksë festojnë Ditën e Ujit të Bekuar

6 Janar 2026, 12:10, Aktualitet CNA

Epifania në Korçë/ Besimtarët orthodoksë

Në qytetin e Korçës, besimtarët orthodoksë kanë festuar Ditën e Ujit të Bekuar.

Më 6 Janar, sipas traditës së përvitshme, Katedralja “Ngjallja e Krishtit” organizoi ceremoninë e hedhjes së kryqit në ujë.

Epifania në Korçë/ Besimtarët orthodoksë
Katedralja "Ngjallja e Krishtit", Korçë

Riti fetar nisi me Meshën e Shenjtë në katedrale dhe më pas procesioni i gjatë i besimtarëve u drejtua drejt shatërvanit në lulishten pranë gjimnazit “Themistokli Gërmenji”, ku u zhvillua ceremonia e hedhjes së kryqit në ujë.

Epifania në Korçë/ Besimtarët orthodoksë

Ashtu si çdo vit, disa të rinj sfiduan temperaturat e ulëta dhe u hodhën në ujë në momentin e hedhjes së kryqit, të motivuar për ta nxjerrë atë dhe për të fituar bekimin. Kryqi u nxor nga uji nga i riu Ervis Rakipi, i cili më pas ia dorëzoi Mitropolitit, Imzot Anastas, për bekim. Për të, kjo është hera e tretë që arrin të kapë kryqin.

“Është hera e tretë. Ndihem shumë mirë, e ndieja që do ta kapja kryqin dhe ia dola. Hidhem çdo vit. Uroj për të gjithë mbarësi”,-tha i riu.  

Ky rit i shenjtë për besimtarët orthodoksë shënon festën e Pagëzimit të Krishtit, kur ai u pagëzua në ujërat e Lumit Jordan nga Shën Gjon Pagëzori.

Epifania në Korçë/ Besimtarët orthodoksë

Sipas besimit, në këtë ditë të gjitha ujërat bekohen dhe besimtarët nxitojnë të marrin ujë të bekuar për ta ruajtur në shtëpi deri në 6 Janarin e vitit pasardhës./CNA 





Lajmet e fundit nga