web counter
LEXO PA REKLAMA!

SHKARKO APP

App Store
Google Play

E fundit!

x

“Miliona euro të buxhetit për kontrata korruptive”/ Tabaku i kujton opozitës detyrat e saj në Parlament

1 Nëntor 2023, 21:04, Aktualitet CNA

“Miliona euro të buxhetit për kontrata korruptive”/ Tabaku

Deputeja, Jorida Tabaku  teksa ka sjellë në vëmendje lajmin për humbjen e jetës së 4 shqiptarëve të cilit punonin në një kantier ndërtimi në Gjermani ka bërë një paralele me realitetin në Shqipëri.

Ajo thotë se askush nuk largohet me dëshirë nga familja ndaj ajo që opozita duhet të bëjë ëshët të dëgjojë qytetarët se si do ta ndalojnë largimin masiv.

“Kjo është beteja e opozitës”, thotë Tabaku, thotë ajo teksa sjell në vëmendje se duhet të diskutohet në parlament për buxhetin kur shikon miliona euro shkojnë në kontrata koncesionare të gjitha kryekëput korruptive.

"I lehtë i qoftë dheu 4 djemve të nënave të këtij vendi që nuk u japin më gëzim familjeve të tyre. 4 djem të nënave shqiptare, 4 baballarë a vëllezër humbën sot jetën duke punuar në një kompleks ndërtimi në Gjermani me leje të përkohshme pune, mbas një udhëtimi me peripeci, me punë të pasigurtë, 3 muaj këtu e 3 muaj atje për më shumë mundësi për familjet e tyre nga Mati e Dibra.

Askush nuk largohet me dëshirë nga familja, askush nuk lë fëmijët e prindërit me dëshirë kjo ndodh në kushte ekstreme varfërie, në kushte ekstreme ekonomike kjo ndodh nga pamundësia për të siguruar një jetë më të mirë për familjen këtu.

Ndërkohë që Parlamenti duhet të diskutojë buxhetin, kur shikon miliona euro në kontrata koncesionare marramendëse të gjitha kryekëput korruptive, në ndërkohë shqiptarët janë të detyruar të largohen në kërkim të një jete më të mirë. Këtë kanë nevojë sot të dëgjojnë qytetarët se çfarë do bëjmë ne ndryshe, më mirë më shumë se si do e ndalojmë këtë largim masiv, se si do krijojmë punë e mundësi për të gjithë e jo pakicën! Kjo është beteja e opozitës", shkruan ajo./ CNA





Lajmet e fundit nga