web counter
LEXO PA REKLAMA!

SHKARKO APP

App Store
Google Play

E fundit!

x

Megaafera e Portit të Durrësit/ Berisha: Lavatriçja e pastrimit të parave në Europë

15 Nëntor 2022, 14:53, Aktualitet CNA

Megaafera e Portit të Durrësit/ Berisha: Lavatriçja e pastrimit

Kreu i Partisë Demokratike, Sali Berisha, shprehet se Porti i Durrësit, është një skemë pastrimi parash. 

Në fjalën e tij Berisha shprehet se Durrësi do të bëhet qyteti më pabanueshëm i botës, që do të tejkalojë për dendësi çdo lagje apo qytet mbi planet, por këto janë që shoqërojnë këtë vjedhje të paimagjinueshme.

"Një betejë e parë e cila natyrisht do të vazhdojë me beteja të tjera. Përballë kemi një armik shumëplanësh i votës, i qenies, një dëbues si kurrë ndonjëherë në histori i shqiptarëve nga vendi i tyre.
Ngjarja e fundit që po debatohet sot në parlament, është të themi e përmasave që tejkalon çdo lloj imagjinate. Tejkalon çdo lloj kodi, ligjor, etik moral. Këta janë vërsulur në mënyrën më të papërmbajtur ndaj pasurive publike në vend.
Edi Rama pasi ka garantuar të gjitha kanalet e narko-eurove, tani kërkon të kthejë Durrësin në Dubain e tij. Por njëkohësisht edhe në lavatriçen më të madhe të Europës dhe më gjerë. Me 12600 apartamente, në një truall prej 1 milionë metrash katrorë, Durrësi bëhet qyteti më pabanueshëm i botës. Tejkalon për dendësi çdo lagje, apo qytet mbi planet, por këto janë që shoqërojnë këtë vjedhje të paimagjinueshme.
Vjedhje e cila nuk ndodh kurrë në botë, që një aferë si kjo të mund të projektohet, imagjinohet. Por këtu ndodh, sepse këtu është makineria më e fuqishme e vjedhjes së një populli, makineria e Edi Ramës që nuk ka të ngopur nga shqiptarët në betejën e tyre.
Ne do fitojmë."- tha Berisha./CNA.al





Lajmet e fundit nga