web counter
LEXO PA REKLAMA!

SHKARKO APP

App Store
Google Play

E fundit!

x

Takimi në Shkup, përballë pushtimit rus të Ukrainës/ Bushati: Duhet më shumë  bashkëpunim mes fqinjëve

14 Nëntor 2022, 17:46, Aktualitet CNA
Takimi në Shkup, përballë pushtimit rus të Ukrainës/
Mbledhja e përbashkët e dy qeverive të Shqipërisë dhe Maqedonisë së Veriut sot në Shkup

Ish-ministri i Jashtëm, Ditmir Bushati ka reaguar për mbledhjen e përbashkët të dy qeverive të Shqipërisë dhe Maqedonisë së Veriut të zhvilluar sot në Shkup.

Me anë të një statusi në rrjetet sociale, Bushati thotë se ky takim u zhvilluar në një peizazh të ndryshuar gjeopolitik, si pasojë e pushtimit të Ukrainës nga Rusia.

Ai deklaron se pikërisht për këtë gjë, duhet më shumë bashkëpunim, solidaritet dhe qëndrueshmëri mes fqinjëve.

“Pesë vjet pas takimit të parë të përbashkët mes qeverive të Shqipërisë dhe Maqedonisë së Veriut në Pogradec, takimi i sotëm në Shkup, zhvillohet në një peizazh të ndryshuar gjeopolitik, si pasojë e pushtimit të Ukrainës nga Rusia, çka kërkon më shumë bashkëpunim, solidaritet dhe qëndrueshmëri mes fqinjëve.

Në themel të bashkëpunimit mes Shqipërisë dhe Maqedonisë së Veriut qëndron përkatësia jonë euroatlantike, si anëtarë të NATO-s, rruga e përbashkët drejt anëtarësimit në BE, që sjell më shumë siguri, mirëqenie, stabilitet e parashikueshmëri për një të ardhme më të mirë.

Si fqinjë me lidhje të panunërta, mekanizma të tillë që ndihmojnë në avancimin e të drejtave të shqiptarëve si entitet shtetformues në Maqedoninë e Veriut, dhe respektimin e të drejtave të pakicës kombëtare maqedonase në Shqipëri, duhet të forcohen më tej, për të siguruar ndërlidhjen më të mirë njerëzore dhe ekonomike, sikundër demokratizimin e shoqërive tona”, shkruan ai./ B.A. – CNA.al





Lajmet e fundit nga