E fundit!

10:16 Politikë

Murrizi paralajmëron Berishën: Koha e këllirave duhet të marrë fund ose do fundoseni

Ish-deputeti i Partisë Demokratike, Myslim Murrizi, ka rea...

Godet Grida Duma, e nis me gënjeshtra/ Gafa e ish-deputetes në rolin e moderatores

14 Nëntor 2022, 21:10, Aktualitet CNA

Grida Duma

Sonte, Grida Duma do të shfaqet në televizion jo më si një politikane, por si një moderatore.

Duma do të drejtojë emisionin që bënte propagandën e inceneratorëve, "Top Story"-n.

Por duket se nuk e ka nisur me këmbë të mbarë. Ende pa startuar emisionin, Grida Duma ka bërë një gafë, që as një gazetare fillestare nuk do ta bënte.

Grida Duma nuk e ka idenë se kur është krijuar televizioni ku do të punojë.

Gjatë një interviste pak minuta para emisionit në "Top Channel", teksa mundohej të tregonte një histori të ndodhur në vitet ’90 sipas Gridës, ku thotë se një prind tregoi se djali i tij e kishte mësuar shqipen e pastër nga "Top Channel" dhe DigitAlb.

"Do t’ju them një impresion të historisë se si nisi 'Top Story' nga një bashkëbisedim me një mik që është drejtues mediash që unë ia çmoj shumë mendimin. Më tha ke bërë një gjë të madhe që po lëviz nga politika për të bërë më shumë politikë, por ke bërë një gjë shumë të madhe që po e bën në 'Top Channel'.

Më tha do të të tregoj një 'story' me vijueshmërinë e politikës së 'Top Channel' dhe efekteve që ka bërë në hapësirën shqiptare të mendimit dhe politikës. Më tha që ndërsa shoqëronte një konsull austriak në zonat e veriut diku në vitet ‘90 e ca s’po i themi fiks cilat, takoi një prind i cili u emocionua që i takoi dhe i tha do më ndihmoni djalin sepse im bir flet një shqipe të pastër megjithëse nuk ka shkollë të hapur tani këtu, dhe shqipen e pastër e ka mësuar duke parë 'Top Channel' dhe Digitalb-in.

Kjo histori mua më preku që ka në trashëgiminë e vet, në legasinë e vet, 'Top Channel' është gjithashtu një shkollë, një shkollë që unë shpresoj të jetë një pjesë e vlerës së shtuar të shkollës dhe të komunikimit politik.

Ju jeni surprizuar që një politikane po e bën këtë në një televizion, unë jam surprizuar që kam gjetur një mendësi në pronarët e 'Top Channe'l dhe jam surprizuar shumë nga Lori kur kemi diskutuar për një risi të komunikimit politik, të analizës, 'hard talk'-ut politik të stilit amerikan, ky është një stil amerikan siç i takon platformës së 'Top Channel' është duke bërë një gjë avangard. Shpresojmë që do të shkojmë aty ku duhet dhe të jemi një vlerë e shtuar”, tha Grida Duma.

Por meqenëse Grida Duma nuk e di, po i tregojmë se "Top Channel" është një radiotelevizion kombëtar i krijuar me 30 korrik të 2001 me qendër në Shqipëri, sinjali i të cilit shtrihet në të gjithë territorin e vendit.

"Top Channel" është i pranishëm me sinjalin e tij në të gjithë Europën përmes platformës DigitAlb si edhe në Amerikën Veriore përmes platformës IPTV, Shqip TV dhe përmes satelitit intelsat America 5.

Godet Grida Duma, e nis me gënjeshtra/ Gafa e ish-deputetes në rolin e

Kjo është një nga gafat që Grida Duma bëri ende pa nisur emisionin e saj, duke treguar se punon në një televizion, që nuk e ka idenë se kur është themeluar./ CNA.al