Marrëveshja për studentët/ Rektori Akli Fundo: Ky memorandum vjen në kohën e duhur për Universitetin Politeknik

1 Tetor 2025, 10:50, Aktualitet CNA

Marrëveshja për studentët/ Rektori Akli Fundo: Ky memorandum vjen

Sot Universiteti Politeknik i Tiranës dhe Ministria e Infrastrukturës dhe Energjisë kanë firmosur një marrëveshje për mbështetjen dhe përgatitjen e studentëve përmes praktikave të paguara të punës, me qëllim aftësimin e tyre profesional, si dhe njohjen nga afër në terren me të gjitha proceset e zhvillimit të infrastrukturës.

Rektori i Universitetit Politeknik, Akli Fundo, theksoi se bashkëpunimi me Ministrinë e Infrastrukturës është për aspekte të rëndësishme të aktiviteteve të përbashkëta në fushat e inxhinierisë dhe ndërtimit.

Rektori nënvizoi se qëllimi i këtij memorandumi është të përcaktojë fushën e bashkëpunimit mes MIE për zbatimin e një programi të praktikës së punës 6-mujore me pagesë për studentë në vitin e fundit të studimeve ose të diplomuar në fushat e lidhura me transportin dhe ndërtimin.

Ky memorandum vjen në kohën e duhur për Universitetin Politeknik kur zhvillimi i kurrikulave dhe programeve mësimore në kuadrin e ndërkombëtarizimit përmes diplomave të përbashkëta dhe të dyfishta europiane, bëjnë emergjent dhe të rëndësishëm organizimin e komponentit të intershipeve dhe praktikave të punës në përputhje të plotë me standardet europiane të diktohen nga këto diploma europiane.

“Jam shumë i nderuar dhe është një kënaqësi të jemi së bashku në një ambient mes bashkëpunëtorëve të Universitetit Politeknik të Tiranës për të nënshkruar një memorandum të ri mirëkuptimi me MIE në kuadër të bashkëpunimit për paktin me Universitetin si dhe duke marrë parasysh angazhimin për nxitjen e barazisë gjinore, për nxitjen e marrjes pjesë të vajzave dhe grave në sektorë tradicionalë të mbizotëruar nga meshkujt si ndërtimi dhe transporti.

Kjo iniciativë mbështetet nga programi i ndërtimit të urave të qëndrueshme me komponentin e trajtimit të hendekut gjinor të punësimit në lidhje me ndërtimin e rrugëve.

Jam shumë i kënaqur të theksoj bashkëpunimin mes MIE dhe Universitetit Politeknik në aspekte të rëndësishme të aktivitetit tonë të përbashkët në fushat e inxhinierisë dhe të ndërtimit.

Qëllimi i këtij memorandumi është të përcaktojë fushën e bashkëpunimit mes MIE për zbatimin e një programi të praktikës së punës 6-mujore me pagesë për studentë në vitin e fundit të studimeve ose të diplomuar në fushat e lidhura me transportin dhe ndërtimit.

Ky memorandum vjen në kohën e duhur për Universitetin Politeknik kur zhvillimi i kurrikulave dhe programeve mësimore në kuadrin e ndërkombëtarizimit përmes diplomave të përbashkëta dhe të dyfishta europiane, bëjnë emergjent dhe të rëndësishëm organizimin e komponentit të intershipeve dhe praktikave të punës në përputhje të plotë me standartet europiane të diktohen nga këto diploma europiane.

Nga ana e tij Universiteti është angazhuar për përmbushjen e standardeve të detyrueshme nga diplomat europiane, pavarësisht vështirësive me karakter ligjor”, tha rektori Akli Fundo.

Më tej, rektori Akli Fundo theksoi se do të vlerësonte nëse do të kishte mbështetje në lidhje me plotësimin e kuadrit ligjor, realizmin e intershipeve dhe praktikat e punës me pagesë 6-mujore në përputhje me standardet e shkollave europiane.

“Kjo është arsyeja pse e mbështes nismën e MIE dhe do të vlerësoja nëse do të kishim mbështetje në lidhje me plotësimin e kuadrit ligjor, realizimin e intershipeve dhe praktikat e punës me pagesë 6-mujore në përputhje me standardet e shkollave europiane”, u shpreh rektori Akli Fundo./ CNA