web counter
LEXO PA REKLAMA!

SHKARKO APP

App Store
Google Play

E fundit!

x

Kurban Bajrami/ Besimtarët falin namazin në sheshet kryesore të qyteteve

16 Qershor 2024, 08:15, Aktualitet CNA
Kurban Bajrami/ Besimtarët falin namazin në sheshet kryesore të
Falja e namazit në Durrës, burimi LSA

Ditën e sotme, besimtarët myslimanë festojnë Kurban Bajramin. Mijëra besimtarë u mblodhën mëngjesin e sotëm në bulevardin 'Dëshmorët e Kombit' për faljen e namazit të Kurban Bajramit. 

Falja e namazit u krye edhe në dhjetëra xhami të tjera të vendit. 

Kreu i Komunitetit Mysliman të Shqipërisë, Bujar Spahiu, teksa uroi besimtarët, theksoi se shpresonte që kjo ditë të shërbejë si një ditë reflektimi për më shumë dashuri me njëri-tjetrin.

Kurban Bajrami është një nga dy festat islame të cilën e kremtojnë myslimanët në mbarë botën, tjetri është Fitër Bajrami. Festa, sipas traditës islame, nderon gatishmërinë e Ibrahimit të flijojë djalin e tij si vepër e nënshtrimit ndaj urdhrit të Zotit, para se Zoti të ndërhyjë, përmes engjëllit të tij Xhebrailit dhe të njoftojë Ibrahimin se flijimi i tij është pranuar tashmë.

Mishi nga kafsha e flijuar ndahet në tri pjesë, familja mban një pjesë, pjesa tjetër jepet për të afërmit, shokët dhe fqinjët; ndërsa pjesa e mbetur u ndahet të varfërve dhe nevojtarëve.

Ndryshe është njohur edhe si Bajrami i haxhive, sepse brenda ditëve të këtij bajrami kryhet edhe pelegrinazhi ritual në Mekë.

Në kalendarin hixhri, Kurban Bajrami bie në ditën e 10-të të muajit Dhulhixhxhe dhe zgjat për katër ditë. Në kalendarin Gregorian, data ndryshon nga viti në vit duke shkuar përafërsisht 11 ditë më herët çdo vit./CNA 





Lajmet e fundit nga