web counter
LEXO PA REKLAMA!

SHKARKO APP

App Store
Google Play

E fundit!

x

Kryepiskopi Joan mban Liturgji Hyjnore në Kishën e Shën e Premtes në Kavajë

26 Korrik 2025, 19:40, Aktualitet CNA

Kryepiskopi Joan mban Liturgji Hyjnore në Kishën e Shën e Premtes

Fortlumturia e Tij, Kryepiskopi i Tiranës, Durrësit dhe gjithë Shqipërisë, Joani mbajti sot Liturgji Hyjnore në Kishën e Shën e Premtes, Fshati Çetë, Kavajë.

Dita nisi me kremtimin në nder të Dëshmores së Madhe Shën e Premte.

Kryepiskopi Joan mban Liturgji Hyjnore në Kishën e Shën e Premtes

Besimtarë nga zona dhe më gjerë u mblodhën për të marrë pjesë në këtë ngjarje të rrallë, ku Fortlumturia drejtoi shërbesën së bashku me klerikë të zonës.

Kryepiskopi Joan mban Liturgji Hyjnore në Kishën e Shën e Premtes

Në predikimin e Tij të thellë shpirtëror, ndër të tjera, Kryepeshkopi theksoi:

“Shën e Premtja nuk dëshmoi vetëm me fjalë, por me jetën dhe gjakun e saj dashurinë për Krishtin… ajo na fton të mos kemi frikë të dëshmojmë Krishtin në jetën tonë të përditshme – me pastërti, me dashuri dhe me qëndrueshmëri në të vërtetën e Ungjillit.”

Pas Liturgjisë, Fortlumturia vizitoi Kishën e Shën Nikollës në qytetin e Kavajës. Në ambjentet e saj u zhvillua një takim i përzemërt me Kryetarin e Bashkisë së Kavajës, Fisnik Qosja, ku u theksua rëndësia e bashkëpunimit të shëndetshëm mes Kishës dhe autoriteteve vendore në shërbim të komunitetit.

Kryepiskopi Joan mban Liturgji Hyjnore në Kishën e Shën e Premtes

Në vazhdim, Kryepeshkopi Joan, i shoqëruar nga Qosja dhe përfaqësues të Kishës vendore, vizitoi Muzeun Etnografik të Kavajës, ku u njoh nga afër me trashëgiminë historike dhe kulturore të kësaj treve. Ai vlerësoi ruajtjen e identitetit kulturor si një urë që lidh brezat dhe forcon kujtesën shpirtërore të popullit.

Kryepiskopi Joan mban Liturgji Hyjnore në Kishën e Shën e Premtes

Në përmbyllje të vizitës, u organizua një drekë nderi në ambient familjar dhe miqësor, ku morën pjesë përfaqësues të pushtetit lokal, klerikë, intelektualë, biznesmenë dhe besimtarë të thjeshtë. Në këtë tryezë të përbashkët u ndanë falënderime dhe u përcollën mesazhe bashkimi, mirënjohjeje dhe frymëzimi për të ardhmen.

Kjo vizitë e Fortlumturisë së Tij përbën një ngjarje të rëndësishme për jetën shpirtërore të qytetit dhe rrethinës së Kavajës, si dëshmi e kujdesit baritor dhe e forcimit të lidhjes së gjallë midis Bariut dhe grigjës së tij./CNA





Lajmet e fundit nga