web counter
LEXO PA REKLAMA!

SHKARKO APP

App Store
Google Play

E fundit!

x

Kongresi Kombëtar i Lutjes/ Balla: Shqipëria ka nevojë për lidership që bashkon

9 Maj 2026, 16:31, Aktualitet CNA

Kongresi Kombëtar i Lutjes/ Balla: Shqipëria ka nevojë për

Kryetari i Grupit Parlamentar të PS-së, Taulant Balla ka mbajtur fjalën e tij në Kongresin Kombëtar të Lutjes 2026, zhvilluar në Tiranë me temë “Udhëheqja në kohë të vështira”.

Në fjalën e tij, Balla theksoi se Shqipëria ndodhet në një moment shumë të rëndësishëm historik dhe politik, në një kohë kur vendi po avancon me ritme të shpejta në procesin e integrimit europian dhe po përballet njëkohësisht me sfida globale, tensione gjeopolitike dhe polarizim të lartë shoqëror.

Ai u shpreh se pikërisht në këto momente testohet lidershipi i vërtetë. Balla nnvizoi se Shqipëria ka nevojë për liderë që bashkojnë dhe jo që përçajnë, që krijojnë besim dhe jo pasiguri.

“Procesi i integrimit europian është një provë e madhe lidershipi për Shqipërinë. Është e lehtë të flasësh për Europën; më e vështirë është të ndërtosh çdo ditë standardet europiane në institucione, në kulturën politike dhe në mënyrën si dialogojmë me njëri-tjetrin”, u shpreh ai.

Balla theksoi se në periudha të rëndësishme për vendin, politika duhet të tregojë më shumë përgjegjësi, maturi dhe kulturë bashkëpunimi, pasi sfidat kombëtare nuk mund të përballohen përmes gjuhës së konfliktit dhe përçarjes së vazhdueshme.

Kongresi Kombëtar i Lutjes 2026 mblodhi në Tiranë përfaqësues fetarë, personalitete politike, diplomatë dhe përfaqësues të shoqërisë civile, në një aktivitet të fokusuar tek etika në udhëheqje, përgjegjësia publike dhe roli i besimit në kohë sfidash. /CNA





Lajmet e fundit nga