web counter
LEXO PA REKLAMA!

SHKARKO APP

App Store
Google Play

E fundit!

x

Këshilli Drejtues i RTSH shkel ligjin elektoral, procedurë emërimi për Drejtorin/ KQZ duhet të reagojë

10 Prill 2025, 21:34, Aktualitet CNA

Këshilli Drejtues i RTSH shkel ligjin elektoral, procedurë

Në zbatim të Kodit Zgjedhor, qeveria ka dalë me një vendim për të pezulluar të gjitha procedurat e emërimeve në administratë, Ministri, institucionet e varësisë por edhe në ato Shoqëri me kapital shtetëror deri në përfundim të zgjedhjeve të 11 majit.

Që nga 3 marsi ky vendim ka hyrë në fuqi në të gjithë territorin e Shqipërisë dhe është i detyrueshëm nga të gjitha institucionet.

Por çuditërisht më datën 1 prill Këshilli Drejtues i Radio Televizionit Shqiptar, ka nisur procedurat për zgjedhjen e Drejtorit të ri të RTSH. Procedura do të jetë e hapur deri më 15 prill kur është afati përfundimtar i dorëzimit të platformave nga aplikantët.

Kjo procedurë do të vijojë dhe për gati 10 ditë, Këshilli do të finalizojë me emërimin e një Drejtuesi të ri, një vendim që bie në kundërshtim me ndalesat e Kodit Zgjedhor dhe vendimin e vetë Qeverisë.

Kjo për faktin se zgjedhja do të bëhet në një periudhë që përkon me fushatën elektorale në vend, që përfundon me ditën e votimit 11 maj 2025.

Përcaktimi i Kodit Zgjedhor:

“Gjatë fushatës zgjedhore ndalohet marrja në punë, pushimi nga puna, lirimi, lëvizja dhe transferimi në detyrë në institucionet apo entet publike, me përjashtim të rasteve të përligjura. Konsiderohen raste të përligjura rastet kur lëvizja apo lirimi nga puna vjen si rrjedhojë e shkeljeve, sipas legjislacionit përkatës, ose marrja në punë bëhet brenda strukturës dhe organikës në fuqi përpara fushatës zgjedhore nga institucioni apo enti publik në përmbushje të misionit të tij. Bëjnë përjashtim rastet e emergjencave për shkak të ngjarjeve të paparashikuara që diktojnë marrjen në punë”/ CNA





Lajmet e fundit nga