web counter
LEXO PA REKLAMA!

SHKARKO APP

App Store
Google Play

E fundit!

x

Ish-e dashura e McGonigal: Shpresoj të dënohet maksimalisht për dosjen shqiptare

21 Dhjetor 2023, 14:30, Aktualitet CNA
Ish-e dashura e McGonigal: Shpresoj të dënohet maksimalisht për
Ish-agjenti i lartë i FBI-së, Charles McGonigal

Ish-agjenti i lartë i FBI-së, Charles McGonigal u dënua me më shumë se katër vjet burg për shkak se ndihmoi oligarkun rus, Oleg Deripaska që kërkonte të hiqej nga lista e sanksioneve amerikane.

Për dënimin e McGonigal ka folur së fundmi ish-e dashura e tij, Allison Guerriero. Në një intervistë për median britanike “Daily Mail”, Guerriero tha se ndihet e lumtur.

“Nuk mund ta fsheh buzëqeshjen nga fytyra ime duke e ditur se ai do të burgoset”, u shpreh ajo, teksa e cilësoi ish-zyrtarin e FBI-së një tradhtar.

Megjithatë, ish-e dashura e McGonigal shprehu dëshirën e saj për një dënim më të lartë.

“Nuk besoj se ai u dënua mjaftueshëm. Por unë jam 100% e sigurt se ai do të shkojë në ferr kur të vdesë, kështu që do të më duhet të jetoj vetëm me vendimin e gjyqtarit”, vijoi ajo, teksa u ndal tek dosja shqiptare.

Allison Guerriero deklaroi se shpreson që ish-zyrtari i FBI-së të dënohet për të paktën 5 vjet të tjera për dosjen shqiptare.

“Unë thjesht shpresoj që Charles të marrë një dënim tjetër që shkon në mënyrë të njëpasnjëshme dhe nuk është i njëkohshëm, kështu që ai mund të jetë në burg edhe për të paktën pesë vjet të tjera përveç këtij dënimi”, theksoi ajo.

Kujtojmë se dënimi për dosjen shqiptare do të jepet më 16 shkurt të vitit 2024./ CNA





Lajmet e fundit nga