E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Investimi miliarda dollarësh në Sazan dhe Zvërnec/ Demokratët kërkojnë hetim për Jared Kushner-in

27 Mars 2024, 11:03, Aktualitet CNA

Investimi miliarda dollarësh në Sazan dhe Zvërnec/

Demokratët e Biden-it po kërkojnë që të hetohen marrëveshjet e bizneseve të dhëndrit të Donald Trump, Jared Kushner.

Kjo shihet si një hakmarrje pasi Republikanët kërkuan hetim mbi marrëveshjet e biznesit të familjarëve të Presidentit Joe Biden, ku përfshihej i biri, Hunter Biden.

Një letër e re nga kryedemokrati Jamie Raskin, D-Md., sinjalizon se demokratët ka të ngjarë ta vendosin Kushner-in në shënjestrën e tyre nëse rimarrin Dhomën e Përfaqësuesve në zgjedhjet e nëntorit.

"Ne ju shkruajmë për t'ju nxitur të thërrisni një seancë dëgjimore në lidhje me marrëveshjet e Jared Kushner-it që përfshijnë investime në këmbim të veprimeve zyrtare dhe për hetuar kërcënimet që rezultojnë ndaj sigurisë sonë kombëtare," thuhet në letrën drejtuar kreut republikan James Comer, R-Ky.

Në fillim të këtij muaji "New York Times" raportoi se Kushner po mbyllte një marrëveshje fitimprurëse të pasurive të paluajtshme në Shqipëri dhe Serbi.

Planet në Ballkan kapitalizojnë marrëdhëniet e krijuara nga Kushner gjatë administratës Trump, ato janë duke punuar me Ric Grenell, i cili shërbeu si ushtrues detyre i drejtorit të inteligjencës kombëtare nën drejtimin e Trump-it dhe si ambasador në Gjermani dhe i dërguar i posaçëm në Ballkan.

Demokratët pretendojnë se Kushner dhe Grenell "kanë përdorur hapur marrëdhënien e tyre me Edi Ramën, Kryeministrin e Shqipërisë, nga i cili presidenti i atëhershëm Trump mori pagesa antikushtetuese gjatë kohës që shërbente si Komandant i Përgjithshëm".

Një raport zbuloi se Rama, këshilltarët e tij dhe ish-ministri i Infrastrukturës, Damian Gjiknuri, shpenzuan rreth 6000 dollarë për të qëndruar në hotelin "Trump" në DC, në atë kohë në pronësi të ish-presidentit.

Një nga projektet e propozuara thuhet se do të jetë zhvillimi i një ishulli në Shqipëri, Sazani, për ta kthyer në një destinacion turistik luksoz. Ishulli është përdorur si një bazë e fshehtë ushtarake për nëndetëset gjatë Luftës së Ftohtë.

Investimi miliarda dollarësh në Sazan dhe Zvërnec/

Një tjetër projekt është ndërtimi i një hoteli luksoz me 1,500 njësi banimi dhe muze në Beograd, Serbi. Hoteli po planifikohet të ndërtohet në vendin e ish-selisë së Ushtrisë Jugosllave, e cila u shkatërrua në vitin 1999 nga bombardimet e NATO-s , tha për "Times" një nga përfaqësuesit e Parlamentit në Serbi dhe kompania e Kushner-it.

Projektet përfshijnë tokë që aktualisht kontrollohen nga qeveritë, që do të thotë se ata do të kenë nevojë për nënshkrimin e shtetit për projektet.

Një projekt i tretë është në Shqipëri për ndërtimin e disa hoteleve dhe qindra vilave në Zvërnec, një zonë bregdetare në jug të Shqipërisë. Shqipëria po bëhet një nga pikat e nxehta turistike me rritje më të shpejtë në Evropë.

Kushner tha për "Times" se marrëveshjet, përmes firmës së tij të investimeve "Affinity Partners", nuk janë finalizuar, por janë shumë afër finalizimit.

Firma e Kushner-it dhe financimi prej 2 miliardë dollarësh nga Fondi i Investimeve Publike të Arabisë Saudite kanë vënë në lëvizje demokratët.

Comer tha për "CNN" vitin e kaluar se do të hetonte me detaje marrëveshjet e Kushner-it.

“Ne do të kemi disa pyetje, për Trump-in dhe disa nga anëtarët e familjes së tij, duke përfshirë Jared Kushner-in”, tha ai. "Ne duam të dimë saktësisht se cilat ishin kushtet e financimit prej 2 miliardë dollarësh."

Republikanët pretendojnë se Kushner ka një karrierë si një drejtues biznesi që i paraprin karrierës politike të Donald Trump-it.

Javën e kaluar, gjatë një seance për shkarkimin, Raskin bëri një kërkesë për të thirrur Kushner-in për informacion në lidhje me firmën e tij për investimet./ CNA